Reiðaríið hjá Ruth boðaði í november í fjør frá, at tað fer undir at lata smíða eina spildurnýggja Ruth, og sáttmáli er undirskrivaður við Karstensens-skipasmiðju í Skagen.

Nýggi nótabáturin verður nýtímans á øllum økjum, bæði hvat maskinu og útgerð viðvíkur.

Gullak Madsen fekk annars eina spildurnýggja Ruth í 2016, men tann nótabátin hevur hann selt til Noregs. Samstundis keypti reiðaríð ein eldri nótabát frá sama reiðarínum, sum keypti Ruth. Og tað var hesin Ruth, sum fyrapartin í dag var á sjarmuferð uttanfyri Kvívík.

Gullak Madsen stovnaði reiðaríið Ruth í 1988, tá henn keypti fyrrverandi Mariu Polaris, sum seinni varð doypt Ruth.

Nýggja Ruth verður ætlandi latin reiðarínum í juni 2021.                      Birgir Waag Høgnesen eigur myndirnar.