Havstovan: Ábendingar um, at toskurin á Føroyabanka er komin fyri seg aftur
Søguliga lítið hevur verið at fingið av toski og hýsu í Føroyabanka síðan 2006 og hevur Føroyabanki verið friðaður síðan 2009. Í 2017 sást, at hýsan var komin fyri seg aftur, men meira striltið gekk við toskinum. Men, nú gevur yvirlitstrolingin hjá Havstovuni ábendingarnar um, at toskurin á Føroyabanka er í ferð við at koma fyri seg aftur. Tað skrivar Havstovan í tíðindaskrivi í dag.
Í Yvirlitstrolingini í mars 2020, sum júst er liðug, vórðu 17 hál tikin, sum hvørt vardi ein tíma, og nøgdin av stórum og feitum toski var heili 12,2 tons. Hetta er ájavnt við miðal fyri árini frá 1996 til 2003, áðrenn fiskaloysið byrjaði, skrivar Havstovan.
Tað vóru trý hál, sum umboðaðu meginpartin av toskaveiðuni, men tað var eisini meira at fáa í øðrum hálum í mun til 2019. Tað er kortini neyðugt at fáa hetta jaliga úrslit staðfest við fleiri kanningum. Túrafrágreiðingin hjá Havstovuni kann lesast her.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur