Støðan í laksaalingini versnar fyri hvønn dag
- Í løtuni er støðan í alingini brúkilig, men støðan versnar hvønn einasta dag. Tað sigur stjórin í alifelagnum, Luna, Atli Gregersen, við Intrafish í dag.
- Vit fáa ikki útflutt laks til marknaðir sum Kina og USA, og sjálvandi minkar eftirspurningurin eisini, tá fólk sita heima. Haraftrat er sjóvegis sambandið úr Føroyum eisini ávirkað, og tað ger tað truplari at útflyta laksin á evropiska marknaðin. Og allur útflutningurin fer sjóvegis. Vit koma ov seint út, og tað hevur við sær, at kundarnir í staðin keypa úr Skotlandi og Norra, sigur Atli Gregersen við Intrafish.
Luna selur vanliga 35 prosent av laksaframleiðsluni til USA.
Tað er fráferðin úr Føroyum til Hirtsals eina ferð um vikuna, sum í løtuni er steðgað.
Atli Gregersen sigur, at tað ber kortini til at fáa laksin til Russlands umvegis Danmark, og tað fegnast hann um.
Meira enn helvtin av laksinum hjá luna verður útfluttur til Russlands.
Mest lisið í farnu viku
Samband
Heygsvegur 8
490 Strendur