Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Føroysku borgirnar heim at skifta manning

Innanlands | 28/03-2020 17:57
Leiðslan í Skansi Offshore hevur avgjørt, at øll manningarskiftini hjá teimum fimm frálandsskipunum, skulu gerast í Føroyum, nú meðan koronasmittan herjar.

Koronasmittan orsøkin til at frálandsskipini hjá Skansi Offshore koma heim til Føroya at skifta manning. Í morgun kom Kongsborg, og mánadagin kemur Eldborg.

Tað eru ikki einans føroyingar, sum lesa ella arbeiða í útlondum, ið hava valt at koma heim, nú koronasmittan er farin at gera um seg. Eisini skipsmanningar koma heim. Reiðaríið hjá teimum fimm Borgskipunum, Skansi Offshore, hevur gjørt av at binda um heilan fingur og heldur enn at skula royna at fáa manningarnar at fara flogvegin heim til Føroya, so hevur tað valt at senda skipini til Føroya at skifta manning.

ens Meinhard Rasmussen, stjóri, sigur við oljan.fo, at koronasmittan er einasta orsøkin til, teir hava valt at skifta manningar í Føroyum.

“Tað er trupult at skifta manning umvegis floghavnir, og tað setur so eisini manningina í vanda fyri smittu at flúgva millum fleiri flogvallir. Harumframt er flogsambandið sera avmarkað, og tað er sostætt lítil fleksibilitetur og stórur vandi fyri, at manningarskifti umvegis flogferðsluna mishepnast,” sigur hann.

Skansi Offshore hevur tí gjørt avtalu við sínar kundar um at skifta í Føroyum, soleiðis at til ber at fáa avgreitt manningarskiftini, og samtíðis soleiðis, at manningarnar ikki koma í smittuvanda undir ferðing.

Fyrsta skipið, sum kom á Havnina í morgun, var Kongsborg. Hini fýra skipini koma í næstu viku. Eldborg kemur longu mánadagin. 12 mans eru við hvørjum skipi, soleiðis at tað verða 120 mans, sum koma og fara hesa komandi tíðina.

Jens Meinhard Rasmussen, stjóri sigur, at spottmarknaðurin er deyður í løtuni, og útlitini uppá stutt sikt eru ikki góð. Koronasmittan setur ein dempara á, men enn verri er lági oljuprísurin, sum ger, at flestu oljufeløg skerja í busjettum og minka um virksemið.

"Korona rakar okkum við, at tað er bæði trupult at skifta manning og eisini praktiskt við, at skipini eru lukkaði. Eingin sleppur í land og eingin umborð. Eisini er virksemið minkað vegna korona. Tað, sum tó rakar meinari, er tann lági oljuprísurin og tann veika norska krónan. Eg rokni við, at skip verða løgd, og nógvar uppsagnir vera í offshorevinnuni, tó ikki hjá Skansi,” leggur Jens Meinhard Rasmussen aftrat.

 


Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Sjófólk leypa fyri borð av reikferða­skipum
Samrøða við Hanus Kjølbro - Tekur 1 ár at gerast skip­satstøðari á Sjónámi
The Land of Maybe – No More
Søgan um festið í Oyndarfirði
Framleiðir seingjarkistur til koronadeyð
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Orkuprát um sjóvarfallsorku
Ókeypis webinar við Bárði Persson: “Trín fram, so tað stendur eftir”
Djórini skulu hava tað gott
Farmaskip úr Polen álopið í Guineaf­lógvanum
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Lands­stýris­maðu­rin sett nýtt Fólka­heilsuráð
Samrøða: Theresa Turidardóttir Kreutzmann, um ferðavinnu í Suðuroy
Starvs­fólk hjá Tvøroyrar kommunu heiðrað
Ísurin á Norð­póli­num tiðnar skjótari enn væntað
Regin Guttesen hjálpir neyðstøddum í Italia
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi