Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

KENDUR TRÚBOÐARI 75 - lunnarnir lagdir í samkomuni

Kristiligar Tíðindasendingar | 29/03-2020 07:40

Ein av kendastu føroysku trúboðarunum feiraði sín 75 ára føðingardag fríggjadagin 06. mars. 

Talan er um Klaksvíkingin Óla Jacobsen, eisini róptur Óli á Grømma. Óli vaks upp í Klaksvík, har hann fekk gott í sálina bæði í fólkaskúlanum og í sunnudagsskúlanum. Foreldur hansara og systkin komu regluliga í samkomuna í Betesda, har Óli í sínum barna- og ungdómsárum kom at hava sítt fasta pláss. 

Tað var í Betesda, at lunnarnir undir   hansara livsleið vórðu lagdir. Har hoyrdi hann á møtum og í sunnudagsskúla um evangeliið, sum mátti boðast fyri teimum, sum aldri hava hoyrt evangeliið. Har upplivdi hann eisini at síggja og hoyra fremmandar trúboðarar, sum vitjaðu samkomuna, og sum greiddu frá trúboðaravirki í fjarskotnum londum og støðum. Tað var her hann fekk kallið at fara út á Missiónsmarkina við evangeliska boðskapinum, og longu sum 20 ára gamal, í 1965, fór Óli til USA á trúboðaraskúlan New Tribes Mission.

Óli hevur búð í USA síðani tá. Hann møtti Judy á skúlanum, og í 1968 giftust tey. Óli og Judy búgva í dag í Birmingham í statinum Alabama. Tey fingu tveir synir. 

Óli kom tíðliga í leiðsluna innan New Tribes Mission, og hann er framvegis virksamur innan New Tribes. Hann og Judy ferðast nógv um allan heim, har tey vitja trúboðarar og luttaka á stórum missiónsstevnum, har høvuðsuppgávan hjá Óla er at undirvísa og vegleiða trúboðarum. 

CORONA
Arbeiðsdagurin hjá Óla og Judy er eisini ávirkaður av Koronavirus. Tey siga í einum brævi, sum er skrivað 18. mars, at tey gera eftir tilmælunum frá myndugleikunum og halda seg innandura. Tey leggja afturat, at øll møtir og Gudstænastur eru avlýst, og at øll matstøð eru latin aftur í býnum. Í kalendaranum hjá  teimum stendur, at tey skula vitja í Indonesia, Filipsoyggjunum og Teilandi í juni og juli, men, skrivar Óli, at nú er alt óvist og vit mugu bíða og síggja hvussu umstøðurnar verða tá. Tey royna at gera so nógv sum møguligt av arbeiði heimanífrá, og fleiri fundir verða nú hildnir yvir Skype.

Óli endar brævi við hesum orðum: “Avbjóðingarnar eru nógvar og fløktar í teimum ymisku londunum, og serliga har læknaviðurskiftini eru serliga vánalig, sum t.d. í Papua Ný Guinea.” 

Í Sosialinum mikudagin 18. mars hevur Arnstein Niclasen áhugaverda føðingardagsgrein um Óla og Judy, har hann eisini kemur inn á hansara ungdóms trúboðara starvsfelagar Páll Poulsen, Jógvan Purkhús og Hans Sivertsen.  Greinin kann eisini lesast á heimasíðuni hjá Oyggjatíðindi. 


Kristiliga Tíðindatænastan 
v/poul jóhan djurhuus  
Tlf: +298 228314
gjaranes@gmail.com 

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Søguligt herskip funnið á 4 kilometra dýpi
Søgan um festið í Oyndarfirði
Framleiðir seingjarkistur til koronadeyð
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Tíðindi á R7 klokkan 20:00
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Fleiri hava fingið arbeiði í Nuuk undir koronakreppuni
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Navnakappingin er liður í ætlanini at sameina tey trý sjúkra­húsini
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi