Í hesum døgum eru tað hundraðtals fólk, sum 1) taka týðandi avgerðir, og annars gera sítt ítarsta til at corona-smittan ikki skal breiða seg enn meiri – og 2), onnur sum taka sær av teimum sum onkursvegna eru rakt av hesi virus.

Sum eina tøkk til øll hesi mongu fantastisku fólkini og teirra ómetandi arbeiði, havi eg – fyri at vísa teimum heiður og virðing - sett mær fyri at vinda Merkið í húnar hátt frá í dag av og fram til 2. páskadagskvøld – um so er at veðrið annars loyvir tí hesar dagar.

Vónandi verður støðan í samfelagnum skjótt normal aftur!!

”Faðir, signa land og tjóð!”

Tað skrivar Snorri Brend á sínum facebook- vanga.