Felagið Byrsumúli fyllir 40 ár
40 ár eru í hesum døgum síðan, Felagið Byrsumúli, í Havn, varð stovnað.
Tað var 27. Mars í 1980, at Erik Andersen tók stig til at stovna nýtt skjótifelag í Føroyum, felagið fekk navnið Veiðifelagið Byrsumúli. Í dag skriva vit 27. mars 2020, tað vil siga, at felagið í dag hevur 40 ára føðingardag.
Felagið heldur til á Sandvíkum í Tórshavn, har skjótibreytin eisini liggur. Framtíðin fyri skjótibreytina er spennandi, tí Tórshavnar Kommuna hevur fyri stuttum sett av pening til at uppstiga og nútíðargera breytina, so hon m.a. lýkur altjóða krøv.
186 skrásettir limir eru í felagnum, harav tveir eru heiðurslimir. Seinastu tíðina hevur tilgongdin av nýggjum limum verið stór, og tí hevur felagið sett í verk eina skipan til móttøku av nýggjum limum. Yngsti limur í felagnum er 12 ár, og elsti limur er 88 ár.
Tað skrivar Tórshavnar kommuna á heimasíðuni.
Mest lisið í farnu viku
Samband
Heygsvegur 8
490 Strendur