Kinesiski býurin, Wuhan, letur spakuliga upp aftur
Býurin Wuhan í Kina, har koronafarsóttin byrjaði, er so smátt farin at lata upp aftur aftaná meira enn tveir mánaðir í avbyrging.
Myndir eru tiknar av nógvum fólki, sum komu við toki til Wuhan leygardagin.
Fólk hava fingið loyvi at koma til býin, men enn sleppur ongin burtur haðani, siga miðlar á staðnum.
Tað hava verið yvir 50.000 tilburðir av smittuni, og 3.000 fólk eru deyð av covid-19 í Wuhan, sum er høvuðsstaður í Hubei landslutinum í Kina.
Men tað sær út til, at ógvusligu tiltøkini við avbyrging hava riggað, tí tølini fyri nýggj smittað seinastu tíðina eru nógv minkaði. Leygardagin vórðu bara 54 nýggir tilburðir skrásettir - og øll hesi 54 høvdu fingið smittuna uttanfyri Wuhan.
Kina hevur givið útlendingum forboð fyri at koma inn í landið - eisini teimum, sum hava fingið visum ella búgva í Kina.
Tað skrivar BBC.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur