Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Helgi Abrahamsen er eisini organistur

Innanlands | 01/04-2020 14:00

Helgi Abrahamsen er fuglfirðingur og hevur seinastu mongu árini búð á Strondum, har hann er giftur við Oddbjørg, hvørs gentunavn er Frederiksberg . Og hann hevur leiklutin sum organistur í Sjóvar Kirkju saman við øðrum. Helgi er føddur 24. november1966 og er uppvaksin í Fuglafirði, har foreldrini búgva enn. 

-Kirkjan hevði stórt pláss í mínum uppvøkstri. Eg var í kirkju saman við foreldrunum og síðan var sunnudagsskúli seinnapart í missiónshúsinum. Í dag eri eg virkin í kirkjuni á Strondum og í samkomuni Kelduni í Skálafirði. Mítt tilknýti til Kelduna stavar heilt aftur til ungdómsárini. Foreldur míni vóru virkin í Tjaldmissiónini, sum um summarið helt til á Gøtueiði og Keldan er partvíst ein avleggjari av tjaldmissiónini. Eg ferðist millum samkomu og kirkju. Eg skal ikki vera samdur við øllum, eg havi mína trúgv og hana deili eg við onnur, sigur Helgi Abrahamsen. 

-Mamma lærdi meg at spæla á pumpuorgul. Eg spældi eftir gehør. Eg dugi væl at hoyra tónar. Seinni lærdi eg at spæla klaver. Hetta var hjá Uttu á Lakjuni og her lærdi eg at spæla eftir nótum, hjá henni lærdi eg teoriina. 

-At spæla eftir gehør er gott til felagssang, tá spælir tú eftir tí fólk syngja og nótablaðið avgerð ikki hvussu høgt ella lágt tú spælir. Eg eri ikki ein leikari, sum kann halda eina konsert. Eg eri til felagssang, tað havi eg gjørt alt mítt lív og tað dámar mær, sigur Helgi Abrahamsen. 

-Munur er á at spæla til eitt møti og at spæla í kirkju. Tað er hátíðarligari í kirkjuni. Tað eru nøkur ár síðan, eg varð biðin um at spæla í kirkjuni. Eg var skeptiskur, um eg maktaði uppgávuna. Nú eri eg glaður fyri, at eg segði ja, sigur Helgi Abrahamsen. 

-Gamal siður er, at fólk hava føst pláss í kirkjuni og hetta er ikki ein fyrimunur fyri sangin. Fólkini sita ofta langt frá hvørjum øðrum. Fyri sangin hevði tað verið betri, um kirkjan varð fylt framman ífrá. 

-Vit eiga nógvar góðar sálmar og vit hava eisini nógvar góðar týddar sálmar. Og millum teir allarbestu er “Nú hvítna tindar fjøllum á.” Her hava vit eitt dømi um ein perudanskan sálm, sum allur sum hann er verður fluttur í føroyskt umhvørvi, á ein sera vakran hátt, sigur Helgi Abrahamsen.

Greinin stendur á folkakirkjan.fo. Høvundur er Jústinus Leivsson Eidesgaard


Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Orkuprát um sjóvarfallsorku
Hvagar eru vit á veg?
Djórini skulu hava tað gott
Farmaskip úr Polen álopið í Guineaf­lógvanum
Úr bandasavni­num: Samrøða við Dávur Jacobsen 2. partur
Brasilski forsetin noktar at taka ábyrgd
Arbeiðsvanlukka kravt eitt mannalív
Jens Andreassen settur sum yvirlækni á Lands­sjúkra­húsinum
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Lands­stýris­maðu­rin sett nýtt Fólka­heilsuráð
Ísurin á Norð­póli­num tiðnar skjótari enn væntað
Starvs­fólk hjá Tvøroyrar kommunu heiðrað
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi