Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Yvirtøka av Eimskip avlýst fyribils

Innanlands, Uttanlands, Vinnulív | 02/04-2020 15:00

Ætlanin shjá íslendska Samherja at yvirtaka Eimskip, er útsett fyribils. Orsakað av koronakreppuni hava íslendskir fíggjarstovnar loyvt Samherja at sleppa undan at yvirtaka Eimskip, soleiðis sum ætlanin annars var.

“Í løtuni eru umstøðurnar so óvanligar á fíggjarligu marknaðunum, at tað var rætt at taka avgerð um ikki at yvirtaka Eimskip í løtuni. Men vit vóna øll, at støðan broytist til tað betra. Sum vit hava sagt fyrr, so trúgva vit eins nógv upp á Eimskip nú, sum vit alla tíðina hava gjørt,” sigur forstjórin í Eimskipum.
 
Íslendsku fíggjarmyndugleikarnir - við íslendska Tjóðbankanum á odda - hava góðkent umbønina um at sleppa undan at yvirtaka Eimskip júst nú – orsakað av búskaparstøðuni bæði í Íslandi og í heiminum sum heild.
 
Avgerðin ber í sær, at Samherji ikki kann koma við einum nýggjum yvirtøkutilboði næstu seks mánaðarnar.
 
Samstundis sum yvirtøkan er útsett, tekur Eimskip tvey av skipum sínum úr sigling fyribils, fyri at minka um rakstrarútreiðslurnar. Tað merkir, at reiðaríið fer at tillaga farleiðirnar fyrsta dagin.
Hetta fær kortini lítla ella onga ávirkan á farleiðirnar hjá felagnum úr Føroyum.
 
Leiðslan hevur avgjørt at taka Góðafoss og Laxafoss – bæði upp á 1.457 teu – úr sigling fyrr. Reiðaríið upplýsti fyri einum ári síðani, at bæði skipini vóru til sølu, tí tríggir nýbygningar upp á 2.150 teu hvør, skulu avloysa tey. Nýggju skipini skulu rekast saman við Royal Arctic Line.
 
Men hesi skipini eru seinkað á kinesisku skipasmiðjuni orsakað av korona.
 
“Tillagaða ferðaætlanin er eitt fyribils stig orsakað av verandi støðu, og eg síggi fram til, at vit halda fram við okkara innflutnings- og útflutningstænastum til og úr Íslandi og Føroyum,” sigur Vilhelm Mar Thorsteinsson, forstjóri í Eimskip, sum eisini eigur og rekur føroyska Faroe Ship.

Eimskip hevur í løtuni 16 bingjuskip og køliskip, og felagið eigur eisini eina ferju. 

Tað eru íslendskir pensjónsgrunnar, sum í dag eiga meira enn 50 prosent av partapeninginum í felagnum.


Lagt út: Grækaris D. Magnussen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Orkuprát um sjóvarfallsorku
Hvagar eru vit á veg?
Djórini skulu hava tað gott
Farmaskip úr Polen álopið í Guineaf­lógvanum
Úr bandasavni­num: Samrøða við Dávur Jacobsen 2. partur
Brasilski forsetin noktar at taka ábyrgd
Arbeiðsvanlukka kravt eitt mannalív
Jens Andreassen settur sum yvirlækni á Lands­sjúkra­húsinum
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Lands­stýris­maðu­rin sett nýtt Fólka­heilsuráð
Ísurin á Norð­póli­num tiðnar skjótari enn væntað
Starvs­fólk hjá Tvøroyrar kommunu heiðrað
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi