Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

SEV formliga yvirtikið støðina á Sundi

Innanlands | 03/04-2020 15:00

SEV formliga yvirtikið støð 3 á Sundi

Ein av størstu byggiverkætlanunum í Føroyum er liðug og sett í rakstur, innan fyri játtanarkarmin, og uttan týðandi seinkingar

Á lítlari samkomu 31. mars, við hóskandi Koronafrástøðu og uttan lógvatak, skrivaðu umboð fyri Articon og SEV undir yvirtøkuskjalið, og støð 3 var formliga latin SEV.

“Vit eru fegin um at vera komin hertil og at arbeiðið hevur gingið so væl”, sigur John Zachariassen, nevndarformaður í SEV. “Arbeiðið er væl úr hondum greitt, til tíðina og væl og virðiliga innan fyri játtanarkarmin.” 

Verkið tekur seg væl út og tekniskt sæð er tað eitt elverk á høgum støði, sum veitir støðuga elorku til føroyska samfelagið. Sundsverkið merkir tað sama fyri føroyska samfelagið, sum kaðalsamanbindingin millum londini ger á meginøkinum. Útbygda Sundsverkið veitir eitt trygt grundarlag, meðan hildið verður fram við útbyggingum á grønu kósini til gagnnýtslu av varandi og burðardyggum orkukeldum.

Støð 3, sum nú er partur av Sundsverkinum, hýsir fýra nýggjum motorum við einum samlaðum motormátti á 37 MW. Saman við eldra partinum av Sundsverkinum – støð 1 og 2 á 45 MW – er mátturin á Sundverkinum tilsamans 82 MW, umframt eitt 8 MW tiltaksverk. Til samanberingar kann nevnast, at eftirspurningurin eftir elorku í meginøkinum vanligar dagar liggur á 50-55 MW, og hægsti tørvur á elorku nakrantíð er skrásettur til 62 MW – tað var í november 2019.

Stórur dentur er lagdur á tryggleika og reinleika á støð 3; verkið hevur reinsiskipan, ið tekur skaðilig evni, NOx, úr roykinum og nógv er gjørt burturúr at dempa ljóðið frá motorunum. Eisini er nógv gjørt burturúr, at umstøðurnar til at reka og røkja verkið skulu vera góðar.

Verkætlanin hevur vart 8 ár, harav tey fyrstu gott og væl 3 árini fóru til at ítøkiliggera ætlanina, projektering og fyrireiking.

Síðan byggingin byrjaði í 2017, hava ongar týðandi seinkingar verið, og játtanin er hildin. Játtanarkarmurin frá 2016 var 800 mió. kr., og nú byggiverkætlanin er liðug og støð 3 er avhendað, er greitt, at við eykaútreiðslum eru brúktar 758 mió. kr.

“Verkætlanin hevur verið øgiliga væl stýrd og handfarin”, sigur Hákun Djurhuus. “Samstarvið millum ymisku fakøkini, veitararnar og okkum hevur verið gott, og arbeitt hevur verið málrættað og hegnisliga fyri at halda verkætlanini á rættari kós, og tað hevur eydnast.”

Motorarnir á støð 3 eru longu týðandi partur av framleiðslutólunum hjá SEV, og við økta máttinum er trygd fyri, at tøkur máttur altíð er til at veita streym í meginøkinum, eisini tær tíðir á árinum, tá lítið er av vindi og vatni.

Myndatekstur:

Sunnvard Andreasen, Articon, Bogi í Dali Stinni/Lbf, Jørgin Mørkøre, verkmeistari á Sundsverkinum, Dávid Reinert Hansen, verkætlanarleiðari fyri SEV og Heri Mortensen, deildarstjóri fyri framleiðsluna hjá SEV.

 

 


Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Ógvuslig spreinging á Hoegh bilskipi
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Leiðreglur fyri ferðandi broyttar
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
Norð­oyastevna á netinum
LÍV POULSEN ÚR SENEGAL - ein dugnaligur brævskrivari!
Samrøða: Ógvusligar lógir samtyktar í skugganum av korona
Samrøða við Rannvá G. Niclasen um mótmæli og korona í New York
Partabrøv til starvs­fólk hjá Bakkafrosti
BEINT NÚ - R7 kringvarp sendir beinleiðis frá Norð­oyastevnuni
Úr bandasavni­num: Samrøða við Dávur Jacobsen 3. partur
Svimji- og baðoasa í Tjaldavík
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Listaframsýning við Silju Strøm í Gamla Seglhúsi­num í Klaksvík
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi