Petur Hans Dahl, veðurfrøðingur: Veðurvánir fyri hesa vikuna (vika 15 )
Samanumtikið: Mánadag og týsdag nakað av vindi, seinni á vikuni minni vindur mest av eysturættum og hitin alla vikuna um 4-6 stig
Mánadagur 6. Hvassur vindur av suðri gangandi í úts, 14-17 m/s, sólin sæst og nakað av regni um hvøldið. Hitin 8-5 stig
Týsdagur 7. Hvassur vindur upp í skrið av úts 15-18 m/s., regn ein stóran part av degnum og hitin 6-7 stig.
Ónsdagur 8. Hvassur vindur niður í frískan vind av úts snarandi í norðan 16-10 m/s, regn fyrrapart og sólin kemur fram og hitin um 5 stig alt samdøgrið
Tórsdagur 9. Norðan gangandi í lands 3-7 m/s, turt fyri tað mesta og hitin 3-4 stig
Fríggjadagur 10. Sunnan snarandi í landn 3-9 m/s, regn serliga seinnapartin og hitin alt samdøgrið um 6 stig
Leygardagur 11. Eystan snarandi í lands, 7-9 m/s, fyri tað mesta turt og hitin alt samdøgrið um 6 stig
Sunnudagur 12. Lands snarandi upp í landn, 10-7 m/s, turt fyri tað mesta og hitin 6-4 stig
Samanumtikið Mánadag og týsdag nakað av vindi, seinni á vikuni minni vindur mest av eysturættum og hitin alla vikuna um 4-6 stig
Veðurtekn
Nú skal eg greiða frá einum veðurfyribrigdi, sum eg sjálvur havi verið úti fyri fyri mongum árum síðan, tað mundi verið fyrst í 70-unum. Vit róðu út vit bátum í Grønlandi á Kappanum við Jógvan á Gørðunum og sigldu inn móti einari vík aftanfyri eitt høgt fjall. Heldur kalt var í veðrinum. So knappliga við eitt hækkaði hitin minst 10 stig. Menn hugdu bilsnir uppá hvønnannan; mundi eitt eldgos vera nærhendis, men so var ikki. Fleiri ár seinni lærdi eg á sjómansskúlanum, at tað var nakað, sum kallaðist føhnvindur, sum á lesíðini á høgum fjøllum, tá hann blæsir omaneftir fjallasíðini, hitnar heilt nógv. Hetta fyribrigdið kennist á suðursíðuni av Alpunum um várið, og sum ger, at kavin bránar ógvuliga skjótt.
Petur Hans sigur um veðrið á Ovarugøtu kl. 7 í morgun: Lands.s. 8 m/s, támut við sirmi og hitin 9 stig
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur