Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

MYNDARØÐ: Nakrir tankar saman við myndum frá einum gongutúri

Innanlands, Mentan | 10/04-2020 18:48

Soleiðis skrivar Linjohn Christiansen, borgarstjóri í Skálavík eftir ein gongutúr í dag.

Sum ein roykur í stilli man standa, henda langafríggjamorgun í 2020.

Her liggur heimbygdin, várið er komið. Grunnur víkarbotnur við vallaðum fjøllum báðumegin og miðjan slættur dalbotnur. Ofta byrjar morguntúrurin við Minnisvarðan. Staðið, ið setur tankarnar ígongd, Tað er óskiljandi at lítla heimbygdin hevur klára hørðu sløgini. Frá 1878 til 1896 bert 18 ár, misti bygdin 28 fólk, øll í fagrasta blóma, 24 fingu váta grøv. Serliga var býlingurin í Innardali hart raktur, hús blivu løgd saman, og kom matur, var býlingurin roknaður sum eitt hús, øll fingu burtur av.

Men hóast login nærum slóknaði var glóðin eftir.

Brandurin til frælsi var kyknaður, nú bóndasamfelagið misti takið, og dreymarnir blivu til verðuleika. Hesir frælsisdreymar, at vinna sín egna pening.

Bygdin fekk tíðliga í 1900 talinum fýra kendar skiparar, Benjámin Johannesen, Úti í Húsi, brøðirnar Antinis og Tummas í Hansastovu og Hanus á Brúnni. Enn standa húsini, teir lótu byggja, sum sonn príðir í og fyri bygdina.
Benjámin var sonur Marina Jóanis og Katrina Innan fyri Garð, men vaks upp Innan fyri Garð hjá mammubeiggjanum Sáru Jóanis og Bernadinu. Húsini hjá fosturforeldrunum vóru vánalig, so Benjámin bygdu teimum nýggj hús í 1917.

Benjámin og Sáru Jóanis ganga nógv aftur í skaldskapinum hjá Heðin Brú. Benjámin sum skiparin á Rúðini í Fastatøkum. Hesin stóri maðurin, ið stóð sum drangur í brimi. Trygdin, ið ungu dreingirnir sóu upp til, tá havið og stormarnir leikaðu í.

Sáru Jóanis ikki minni í skaldskapinum, sum Høgni hin gamli, nakað tað besta Heðin hevur skrivað. Eisini stuttsøgan Jóanis, um gravarferðina, - Fjallaskuggin.
Í 1924 byggir Benjámin aftur hús, men nú síni egnu, til konu og børn á Heygsgarðinum.

Ein onnur skiparaborg eru húsini hjá Antinesi og Jovinu, bygd 1933. Tað sermerkta við hesum húsum er, at tey longu í 1933 eru bygd við tøttum tróðri.

Timburmeistarin var heldur ikki hvør sum helst, men kendi Frits Hansen í Pætursastovu í Havn. Frits var kendur timburmaður, gekk á tekniskaskúlan hjá Magnus á Kamarinum. Arbeiddi eisini saman við HCW Tórgarð og Magnus á Kamarinum, um fleiri stórverk í Føroyum.

Frits fekk Legat til víðari útbúgving. Tá kom hann at vera við til at smíða eini serstøk hús í Danmark. Hesi húsini eru í dag ísrelska sendistovan.

Húsini hjá Nielsi og Lenu á Mølini, lat Hanus á Brúnni byggja í 1920. Hanus hevði handil í kjallarinum og stóra neysti við síðuna av, var til at taka í móti fiski.
Hanus flutti til Havnar og fekk navnið Hanus í Skálavík. Niels á Hamri keypti húsini, var eisini skipari og førdi skip. Men kendast munnu fostursynirnir vera Eiler og Sámal Jacobsen.

Seinasta skiparaborgin er á Klettinum, her bygdi bróður Antines, Tummas í Hansastovu síni hús í 1921
Tað var eisini kendi timburmeistarin Frits í Pætursastovu, ið bygdi. So tað sigur nakað um støði.

Nakrir tankar saman við myndum frá einum gongutúri.

Gleðiligar páskir


Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Orkuprát um sjóvarfallsorku
Hvagar eru vit á veg?
Djórini skulu hava tað gott
Farmaskip úr Polen álopið í Guineaf­lógvanum
Úr bandasavni­num: Samrøða við Dávur Jacobsen 2. partur
Brasilski forsetin noktar at taka ábyrgd
Arbeiðsvanlukka kravt eitt mannalív
Jens Andreassen settur sum yvirlækni á Lands­sjúkra­húsinum
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Lands­stýris­maðu­rin sett nýtt Fólka­heilsuráð
Ísurin á Norð­póli­num tiðnar skjótari enn væntað
Starvs­fólk hjá Tvøroyrar kommunu heiðrað
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi