Flaggdagshaldið í ár verður øðrvísi enn vanligt.

Vaglið verður flaggskrýtt, men koronasmittan ger, at ístaðin fyri at savnast á Vaglinum, fara nakrir tónleikarar úr Havnar Hornorkestri at spæla «Sjá, tú blánar« og aðrar sangir fyri búfólkunum á Boðanesheiminum.
Tiltakið verður stroymt fyrrapartin klokkan 11, og fólk kunnu fylgja við á torshavn.fo

«Um enn nær ella fjart  ert tú sál míni kært» 

Soleiðis yrkir Hans Andrias Djurhuus í flaggsanginum «Sjá, tú blánar». Í ár er fjarstøðan størri enn vanlig, men Merkið verður eisini fagnað í Tórshavnar kommunu flaggdagin.

Klokkan 15 flaggdagin fer Jóannes Eidesgaard, fyrrverandi løgmaður, at bera fram flaggrøðu í Útvarpinum.