Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Viðmerkingar frá Høgna Hoydal

Innanlands, Lesarabrøv | 01/05-2020 09:00

Løgmaður: Føroyingar hava ikki heimild at krevja fólk í sóttarhald

Okkara serfrøðingar hava staðfest, at størsti vandin fyri koronasmittu í Føroyum nú, er influtt smitta. Tí spurdi Høgni Hoydal, floksformaður, Bárð á Steig Nielsen, løgmann, um hvørjar ætlanir landsstýrið hevur í sambandi við kravt sóttarhald og at kanna fólk, ið koma úr útlondum.

Svarið frá løgmanni var, at skulu kravt sóttarhald og kanningar setast í verk her á landi fyri ferðafólk, so er tað danska Fólkatingið, ið skal samtykkja lógina. Tí bæði Landslæknaembætið, epidemilóggávan, løgreglan og marknaeftirlitið eru ikki á føroyskum hondum, men danskt málsøki. 

“Nú hava vit, síðani koronakreppan byrjaði, viðgjørt kravt sóttarhald fyri ferðandi. Tað er burturvið, at í veruleikanum eru tað als ikki føroyskir myndugleikar, sum skulu avgera og lóggeva um hetta. Føroyskir myndugleikar, sum við undirtøku frá fólkinum, hava víst, hvussu væl vit megna at greiða eina slíka kreppustøðu”, sigur Høgni Hoydal, floksformaður.

Tað merkir, at vilja vit seta herd átøk ella krøv til ferðandi, mugu vit taka ábyrgdina og ræðið á m.a. landslæknaembætinum og marknaeftirlitinum, sum Gunvør Balle eisini skrivaði í lesarabrævi fyrr í vikuni. Millum annað vísti hon á, at tey í Íslandi hava sett tílík tiltøk í verk, og er tað nú kravt, at øll ið koma til Íslands skulu í sóttarhald í 14 dagar.

“Eitt er, at vit í felag viðgera, hvat vit skulu gera við hetta málið. Men tá tað so verður sligið fast, at vit ikki hava fólkaræði í Føroyum at gera nakað við tað – so eiga vit at semjast um at taka ábyrgdina á føroyskar hendur”, sigur Høgni Hoydal

Í undanfarna valskeiði varð staðfest, at tørvur er á einum sterkum føroyskum fakmynduleika innan heilsuøki og eini haldgóðari sjúklingatrygd á føroyskum hondum, sum kann laga seg til okkara viðurskifti. Samráðingarnar vórðu lidnar við danskar myndugleikar. Tí var klárt at taka landslæknaembætið á føroyskar hendur og skipa ein sterkan føroyskan heilsumyndugleika, men at enda rakk ikki á mál vegna vantandi meirluta á tingi. Somuleiðis eru samráðingar lidnar og uppskot klárt um at taka løgreglu og marknaeftirlit á føroyskar hendur.

–Tjóðveldi


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Søguligt herskip funnið á 4 kilometra dýpi
Søgan um festið í Oyndarfirði
Framleiðir seingjarkistur til koronadeyð
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Tíðindi á R7 klokkan 20:00
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Fleiri hava fingið arbeiði í Nuuk undir koronakreppuni
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Navnakappingin er liður í ætlanini at sameina tey trý sjúkra­húsini
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi