Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Landsstýrið arbeiðir ov seint!

Lesarabrøv | 04/05-2020 08:30

Ferðavinnan var helst tann vinnan, sum merkti avleiðingarnar av heimsfarsóttini fyrst. Nú koma uppsagnirnar undan kavi. Tað var væntandi undir hesum umstøðunum, men eg hevði vónað, at landsstýrið kláraði at lofta vinnuni, áðrenn vit komu her til. Vit tosa um hundraðtals arbeiðspláss, sum eru í vanda.  

Seinastu nógvu árini hava vit tosað um, hvussu umráðandi tað er, at føroyski búskapurin fær fleiri bein at standa á. Og her hevur ferðavinnan verið í miðdeplinum. Vit kunnu ikki kasta alt okkara álit á høvuðsvinnu okkara, har vit vita, at sveiggini kunnu vera stór. Ferðavinnan er ein meiri støðug vinna, og tí hava bæði land og fólk lagt stóra orku í at fáa hesa vinnuna upp á beinini. 

Nú hendi tað, sum vit ikki kundu fyrireika okkum uppá. Og tað er sjálvsagt rætt, at lata landið aftur, tí heilsan má koma í fyrstu røð. Men landskassin er væl bjálvaður, og tí átti landið at handla skjótt og lofta størsta partin av tí, sum nú sær út til at fara fyri bakka.  

Landið skal ikki halda hondini undir eini vinnu, sum ikki ber seg. Men landið má traðka til og stuðla vinnuni, um landið velur at taka grundarlagið undan vinnuni í eina tíð. Ein rúgva av starvsfólki eru í klemmu. Starvsfólk, sum arbeiða á ferðaskrivstovum, hjá Atlantic Airways, á hotellum, matstovum o.s.fr.  

Hjálparpakkarnir eru ikki nøktandi. Og landsstýrið arbeiðir alt ov seint. 

Nú má vend koma í, so upptakið ikki verður alt ov stórt!

Jóhannis Joensen

Javnaðarflokkurin

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Søguligt herskip funnið á 4 kilometra dýpi
Søgan um festið í Oyndarfirði
Framleiðir seingjarkistur til koronadeyð
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Tíðindi á R7 klokkan 20:00
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Fleiri hava fingið arbeiði í Nuuk undir koronakreppuni
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Navnakappingin er liður í ætlanini at sameina tey trý sjúkra­húsini
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi