Sandavágsmaðurin, Sigurð Rudolf Frants Simonsen (1912-1994) - Peni-Sigurð greiddi frá í 1989. Abbasonurin, Heri Simonsen tók upp og hann hevur snøggað og klipt samrøðuna. 

Í sendingini hoyra vit m.a. um:

• Hvussu manningin á Vón í 1940 bjargaði Klaksvíksskipið "Esther", ið enn var í føroyska flotanum, tá Sigurð greiddi frá hesum í 1989.
• Hvussu Sigurð tann eina túrin ikki fekk pappírini stemplaði í Scrabster áðrenn teir fóru víðari til Aberdeen at selja, og tað gav trupuleikar við bretska hervaldinum í Aberdeen.
• Hvussu Sigurð ikki vildi hava vápn umborð á Vón, tí hann setti sítt álit á at Guð skuldi varða teir gjøgnum vandarnir sum stóðst av krígnum.
• Sigurð fortelur eisini um eina hending fyrst í 1960-unum, tá hann í Kielerkanalini umborð á donskum farmaskipi fær ein týskan loðs umborð, ið sigldi við kavbáti undir seinna heimsbardaga.
• Og í 1944 vórðu Peni-Sigurð og manningin umborð á Vón bjargaðir av einum bretskum herskipi, tá teir vóru um at reka á land við Snæfellsnes í Íslandi

Birgir Waag Høgnesen leggur sendingina til rættis.

Trýst á pílin omanfyri fyri at lurta eftir sendingini.