Samband
R7 Portal
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Ymiskar sendingar
R7.fo í morgunsending­ini í KVF
Kristiligar Tíðindasendingar
KIRSTIN & ÓLI - ein býarmynd í Havn í 40 ár!
Kristiligar Tíðindasendingar
BRYNLEIF HANSEN, sáli - hevði verið 85 í dag! 
Kristiligar Tíðindasendingar
ELSBA OG WILLIAM GIBSON SLOAN - 140 ár
Kristiligar Tíðindasendingar
TERJI DALSGAARD - tíðinda­maður og roknskapar­maður!
Átrúnaður
Bøn er betri enn yoga, mindfullness og meditatión
Kristiligar Tíðindasendingar
HIN MYRKI 11. SEPTEMBER - hjartanem­andi minningarhald
Kristiligar Tíðindasendingar
JUVÉL II Í DOKK - ein uppshining
Kristiligar Tíðindasendingar
JARÐARFERÐ Í USA - Kristoffur Munro
Kristiligar Tíðindasendingar
NÝGGJ BÓK UM BÍBILSKA KVINNUSÝNIÐ - ein kontroversiel bók  
Kristiligar Tíðindasendingar
OM-AÐALFUNDUR 2021 - tey ónáddu í nærumhvørvi­num!
Kristiligar Tíðindasendingar
LUIS PALAU - jarðarferð
Kristiligar Tíðindasendingar
EVANGELISTU­RIN LUIS PALAU - ein rødd er tagnað
Kristiligar Tíðindasendingar
Holocaust minningarhald í Kelduni - ongantíð aftur!
Kristiligar Tíðindasendingar
Kristiliga Tíðindasendingin við eitt vegamót - R7 sløkkir í morgin, nýggjársaftan 2020
Kristiligar Tíðindasendingar
Kristiliga Tíðindasendingin við Poul Jóhan Djurhuus (102) - 30. des. 2020
Ymiskar sendingar
Úr bandasavni­num: Samrøða við Elin Mortensen 2. partur
Kristiligar Tíðindasendingar
DUPULTFLØGA VIРMIÐNÁTTARSANGBÓLKI­NUM - jólagávan, bert 189 krónur
Ymiskar sendingar
Úr bandasavni­num: Samrøða við Elin Mortensen 1. partur
Ymiskar sendingar
Úr bandasavni­num: Samrøða við Nicolina av Kamarinum
Lýsing
Lýsing

Ein kappi er farin

Innanlands, Lesarabrøv, Mentan | 06/05-2020 11:45
Agnar Nielsen, fyrrverandi løgtingmaður. Mynd: KVF/Við Tórði á Túri

Sunnudagin bórust boðini um, at Agnar Nielsen er farin um sýn. 91 ára gamal. Vestmenningur, sambandsmaður, løgtingsmaður, kirkjutænari, men mest av øllum familjumaður. Raskur og trúfastur í øllum hann tókst við.

Agnar Nielsen var óvanliga virkin. Líka til tað síðsta. Fyri einum góðum mánaði síðani fortaldi hann í útvarpssendingini “Við Tórði á túri”, at hann framvegis róði út. Og ikki bara onkran hissini túr. Nei, hann greiddi frá, at hann hevði avreitt fyri 272.000 kr. í fjør! Tað er ikki øllum beskorið, tá farið er um tey níti.

Trúfastur sum fáur

Júst hetta er eyðkennið um henda megnarmann, sum eg havi kent og arbeitt saman við í Sambandsflokkinum í eina hálva øld. Agnar Nielsen, sum var ættaður úr Vestmanna, hevði sæti á Løgtingi í 20 ár, frá 1970 til 1990. Í tveimum umførum var hann eisini løgtingsformaður, fyrru ferðina frá 1978-79 og aftur tíggju ár seinni, frá 1989-90. Mær untist at sita á Løgtingi saman við honum frá 1988-90.

Politisku áhugamálini hjá Agnari Nielsen fevndu breitt, og vit hittust javnan á politiskum fundum hjá Sambandsflokkinum. Tað, sum eyðkendi Agnar Nielsen í hansara politiska virki, var, at hann var ordiligur og reiðiligur í øllum hann fekst við, og ongantíð var ivi um hansara trúfesti.

Nú tíðindini frættust um, at Agnar er farin, rann mær til hugs orðini hjá Rasmusi Effersøe, “Trúfastur altíð var maður, vildi ei bróta sítt orð”. Soleiðis minnist eg Agnar.

Útróðrarmaður til tað síðsta

Agnar Nielsen var útbúgvin skipstimburmaður, og ongantíð var hann langt frá sjónum. Áhugan fyri bátasmíði hevði Agnar ikki frá fremmandum. Abbi hansara var eisini bátasmiður, og hetta merkti lívsleiðina hjá Agnari.

Agnar var bedingsmeistari í Vestmanna, stjóri á Vestmanna skipasmiðju og seinni eisini kavari. Hann róði eisini nógv út og royndi millum annað eftir hemara samstundis. Í áðurnevndu útvarpssending greiddi Agnar frá, at hann fekk millum 18 og 23 hemarar um árið.

Einu ferðina eg hitti Agnar, gekk hann við bláum eyga. Eg spurdi sjálvandi, hvat var áfatt. Jú, greiddi hann mær frá, hann var komin í rasshaft við ein hemara. Ein dagin hann hevði verið til útróðrar, og sum so ofta dró hemaralínuna inn, tók ein hemari undir borðið.

“Eg stóð uppi í línuni, so har var bara eitt at gera, tað var at halda fast og vinna á hemaranum.”, fortaldi Agnar.

Í allara orrustuni og bardaganum við hemaran, langaði Agnar andlitið í stokkin á bátinum.

“Tað var antin eg ella hemarin”, lat í Agnari. “Eg vann, men hann gav mær blátt eyga!”

Veiðihugurin hevur altíð verið stórur hjá Agnari. Seinastu árini hevur hann róð út eins og beiggi hansara, Sigurd, sum er nøkur ár eldri enn Agnar. Lívsjáttandi at hoyra brøðurnar greiða frá teirra virkna lívi í útvarpinum síðst í mars mánaði í ár, hóast báðir eru farnir uppum tey níti.

Nú ein góðan mánað seinni legði Agnar tó árarnar inn aftaná eitt langt og hendingaríkt lív.

Familjan og trúgvin

Tá ein maður er komin so mikið til árs sum Agnar Nielsen, skerst ikki burtur, at lívið bæði hevur givið og tikið.

Agnar Nielsen var familjumaður. Hann giftist við Lilly, sum var úr Vági, og saman fingu tey níggju børn. Eydnurika hjúnaband teirra fekk tó ein bráðan enda, tá Lilly var yvirkoyrd og doyði bert 69 ára gomul.

Ongin ivi er um, at sterka trúgvin hjá Agnari hevur hjálpt honum gjøgnum hesa truplu tíð. Agnar byrjaði sum deknur longu tá hann var fyrst í 20-unum og sat í Føroya kirkjustjórn í 25 ár. Í grein á heimasíðuni hjá Fólkakirkjuni sigur hann, at deknastarvið hevur verið honum ein tryggur tunnuflaki at staðið á í lívinum. Trúgvin kom honum til hjálpar, tá Lilly so knappliga var tikin frá honum og hann gjørdist einkjumaður. Í greinini greiðir Agnar soleiðis frá:

“Tað var ringt, vit vóru so avhengig av hvørjum øðrum, vit vóru altíð saman. Hetta var so knappligt og tungt. Mítt andaliga lív hevur altíð verið gerandisligt, og tað var mær ein góð hjálp í hesi sváru tíð.”

Agnar var tó heppin at finna kærleikan aftur. Fýra ár eftir, at Lilly so brádliga var tikin frá honum, giftist hann við einkjuni Klaru úr Porkeri. Teimum untust bert tvey ár saman sum hjún, tá Klara doyði av sjúku, og Agnar gjørdist einkjumaður á øðrum sinni.

Nú er Agnar sjálvur farin og eftir sita børn, abbabørn, langabbabørn og oldurabbabørn. Mínir tankar eru hjá tykkum øllum.

Sjálvur gleðist eg um at hava kent henda megnarmann, sum hevur sett mangan varða eftir sær – í politikki, í vinnulívi, í kirkjuni og sjálvandi hjá teimum, sum sita eftir.

Hvíl í friði, góði vinur og partamaður!

Edmund Joensen, fólkatingsmaður


Lagt út: Grækaris D. Magnussen
Mest lisið í farnu viku
Havstovan tilmælur at stongja tað mesta
Samband
R7 Portal
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Ymiskar sendingar
R7.fo í morgunsending­ini í KVF
Kristiligar Tíðindasendingar
KIRSTIN & ÓLI - ein býarmynd í Havn í 40 ár!
Kristiligar Tíðindasendingar
BRYNLEIF HANSEN, sáli - hevði verið 85 í dag! 
Kristiligar Tíðindasendingar
ELSBA OG WILLIAM GIBSON SLOAN - 140 ár
Kristiligar Tíðindasendingar
TERJI DALSGAARD - tíðinda­maður og roknskapar­maður!
Átrúnaður
Bøn er betri enn yoga, mindfullness og meditatión
Kristiligar Tíðindasendingar
HIN MYRKI 11. SEPTEMBER - hjartanem­andi minningarhald
Kristiligar Tíðindasendingar
JUVÉL II Í DOKK - ein uppshining
Kristiligar Tíðindasendingar
JARÐARFERÐ Í USA - Kristoffur Munro
Kristiligar Tíðindasendingar
NÝGGJ BÓK UM BÍBILSKA KVINNUSÝNIÐ - ein kontroversiel bók  
Kristiligar Tíðindasendingar
OM-AÐALFUNDUR 2021 - tey ónáddu í nærumhvørvi­num!
Kristiligar Tíðindasendingar
LUIS PALAU - jarðarferð
Kristiligar Tíðindasendingar
EVANGELISTU­RIN LUIS PALAU - ein rødd er tagnað
Kristiligar Tíðindasendingar
Holocaust minningarhald í Kelduni - ongantíð aftur!
Kristiligar Tíðindasendingar
Kristiliga Tíðindasendingin við eitt vegamót - R7 sløkkir í morgin, nýggjársaftan 2020
Kristiligar Tíðindasendingar
Kristiliga Tíðindasendingin við Poul Jóhan Djurhuus (102) - 30. des. 2020
Ymiskar sendingar
Úr bandasavni­num: Samrøða við Elin Mortensen 2. partur
Kristiligar Tíðindasendingar
DUPULTFLØGA VIРMIÐNÁTTARSANGBÓLKI­NUM - jólagávan, bert 189 krónur
Ymiskar sendingar
Úr bandasavni­num: Samrøða við Elin Mortensen 1. partur
Ymiskar sendingar
Úr bandasavni­num: Samrøða við Nicolina av Kamarinum
Nýggjastu tíðindi