Ruddingardagur í Sunda kommunu verður 16. mai
Hóast einki hevur verið seinastu tíðina, sum tað plagar at vera, so verður árligi ruddingardagurin hjá Sunda kommunu 16. mai. Í ár verður dagurin nakað øðrvísi enn undanfarin ár.
Í ár verður ein heilt serlig gáva givin til tey húski, sum luttaka í ruddingardegnum. Kommunan fyllir 15 ár í ár og tí hevur kommunan fingið gjørt eitt berinet sum verður útflýggja til ruddingardagin. Í berinetinum er eitt træ og ein jarðber planta.
Endamálið við ruddingardegnum er at taka upp tað, sum liggur runt í kommununi. Útflýggjaðir verða ruskposar og handskar á staðnum har byrjað verður, sum fólk kunnu taka við sær.
Ruddað verður fram til middag tá matvognar koma við mati.
Sunda kommuna vónar, at borgararnir taka væl undir við ruddingardegnum, møta fjølment upp og rudda í frástøðu.
Mest lisið í farnu viku
Samband
Heygsvegur 8
490 Strendur