Sjáldan rík av at klippa hvørjum øðrum
Hvat gera vit, um vit hava eina heimskreppu, sum vit onki vald hava á, spyr sambandstingmaðurin, Jaspur Langgard.
Tingmaðurin vísir á, at tað eru nakrar støður, sum vit ikki fáa vart okkum fyri, og tað er mangan, tá okkurt rakar allan heimin. Tá kunnu vit ikki liva at sita og sita trilla tumlar, heldur Jaspur Langgaard.
- Um vit hugsa um, hvussu góða vælferðarskipan vit hava, so hava vit skavað væl inn undir okkum. Vit hava havt blomstrandi vinnur, sum hava kastað væl av sær og eina væl virkandi og sosialiseraða siðmenning, sum at verja tey veikastu og fjálga um vinnuna. Hetta er ikki komið av ongum, men av djørvum, góðum forfedrum okkara, sum hava bygt landið upp, sigur hann.
Jaspur Langgaard heldur, at tað at samla inn undir seg er annað enn bara pengar, men heldur teir siðir og arbeiðsmoralur og alt annað í arbeiðs- og gerandislívinum hjá hvørjum einstakum føroyingi.
Hann vísir á, at vøkstur í samfelagnum er í stuttum, at pengar flyta seg. Samfelagshjólini mugu í sving, og tann størsti feilurin, vit kunnu gera nú, er, at øll gerast ov varin og ongin torir at brúka eina krónu. Hendir tað, so steðga allar vinnur upp.
- Vit skulu hava dirvi og framvegis brúka pengar og gera brúk av øllum tænastum, sum standa okkum í boði. Tað fyrsta, sum hendir, um vit vit gerast ov varin, er, at arbeiðsloysið hækkar.
Jaspur Langgaard heldur, at vit mugu ansa eftir, at vit ikki stegða at liva bara fyri at yvirliva.
- Vit hava yvirlivað kreppur fyrr og eg trúgvi, at vit koma væl undan hesum truplu tíðum, um vit tora, sigur Jaspur Langgaard, løgtingsmaður fyri Sambandsflokkin.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur