Jørn Lorentzen vísir púrasta aftur uppáhaldið um, at Hurtigrutan nýtir koronakreppuna sum jarnbrot fyri at fáa meira stuðul og hjálp frá tí almenna til rannsóknarskipini hjá felagnum.

- At útlendsk sjófólk framvegis mynstra umborð á rannsóknarskipini við nógv lægri løn, verður gjørt í fullari semju við álitisfólkaskipanina og í solidariteti við útlendsku starvsfelagar okkara, sigur Jørn Lorentzen.

- Eg eri errin av reiðarínum í teirri støðu, tað er endað í, sigur hann.

Jørn Lorentzen sigur, at teirra fokus nú er at fáa “strandaskipini” í gongd aftur. Og hann vísir á, at tað hevði verið fullkomiliga ábyrgdarleyst at sett tey í sigling aftur, uttan fíggjarligan styrk frá tí almenna.

- Gera vit tað, fara vit at sigla við stórum hallum, sum vit ikki megna at vinna innaftur. Og millum annað tí eru 3.000 størv í vanda, sigur Jørn Lorentzen.

Kelda: Skipsrevyen og Áhugafelagið Antares