Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Føroysku sjúkrahúsini skulu hava nýggj nøvn

Innanlands | 23/05-2020 09:00

Ert tú orðasmiður og dámar væl at spæla við orð? So kanst tú vera við í navnakappingini um at smíða nýggj nøvn til sjúkrahúsini í Føroyum.

Eitt samlað sjúkrahúsverk
Í 2018 vórðu Klaksvíkar sjúkrahús, Suðuroyar sjúkrahús og Landssjúkrahúsið skipað undir felags leiðslu og sum eitt samlað føroyskt sjúkrahúsverk.

Ein avgerandi lutur í at samansjóða tey trý sjúkrahúsini er at skapa ein sterkan samleika. Ein samleika, ið er felags fyri øll sjúkrahúsini. Tí verður sóknast eftir nýggjum nøvnum, sum knýta hesi saman í eina savnaða heild, boðar Sjúkrahúsverk Føroya frá í dag.

 

Nøvn, sum smitta
Tað er ikki bara sjúka, ið smittar. Vælvild smittar eisini: Ein hjálpandi hond, eitt herðaklapp, eitt lítið bros. Tá nýggju nøvnini verða almannakunngjørd, er ætlanin, at tey verða væl móttikin og falla væl í oyrunum.

Nýggju nøvnini skulu knýta tey trý sjúkrahúsini saman. Tað kann annaðhvørt vera sama navn til øll trý sjúkrahúsini við undirheitum, sum vísa til økini (t.d. Klaksvík, Tórshavn, Tvøroyri) – ella trý ymisk nøvn, sum hóska saman. Einasta treytin er, at nøvnini á teimum trimum sjúkrahúsunum rigga saman.

Virðislønin er samlað kr. 10.000 – umframt stóra heiðurin at hava givið føroysku sjúkrahúsunum navn.

 

Treytir
Umframt einfalt orðfimi skulu nýggju nøvnini lúka hesar treytir:
• Tey skulu falla væl og ikki vera ov long
• Uppskot skulu latast inn við frágreiðing um, hví nøvnini eru hóskilig

 

Nevndin, ið metir um uppskotini, er mannað við sjúklingaumboðum, umboðum úr sjúkrahúsverkinum og málkønum. Nevndin letur landsstýrismanninum í heilsumálum tilmælini, síðan tekur hann støðu til nýggju nøvnini.

 

Freistin at senda inn uppskot er 12. juni 2020 kl. 12. Síðan verða uppskotini viðgjørd, og vinnandi nøvnini kunngjørd seinast í julimánaði.

 

Uppskot til navnakappingina kunnu latast sjúkrahúsunum á Tvøroyri, Klaksvík ella í Havn í afturlatnum brævbjálva. Merk brævbjálvan “Navnakapping”. Uppskot kunnu eisini verða send við telduposti til ks@ks.fo


Lagt út: Sissal G. Magnussen
Lýsing
Mest lisið í farnu viku
Sjófólk leypa fyri borð av reikferða­skipum
Jan Lamhauge: Eik-málið átti at verðið roynt í Rættinum
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Leiðreglur fyri ferðandi broyttar
Vespureiðrið (136) - 2. juni 2020
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
RAVI ZACHARIAS - saknaður av føroyingum
Í øðini eftir samrøðu við Trump
JUVÉL 2 - nýggj leiðsla!
LÍV POULSEN ÚR SENEGAL - ein dugnaligur brævskrivari!
Koronasmittan komin umborð á skip hjá Maersk
Úr bandasavni­num: Samrøða við Dávur Jacobsen 2. partur
Arbeiðsvanlukka kravt eitt mannalív
Hvagar eru vit á veg?
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
Twitter setir merki á boð frá Donald Trump
KIRKJUR, SAMKOMU- OG MISSIÓNS­HÚS - nú verður latið uppaftur!
BÍBLIU- OG TÓNLEIKATÚRUR - ein annarleiðis ferð
Ísurin á Norð­póli­num tiðnar skjótari enn væntað
31. mai - Altjóða roykfríur dagur
Boð til listafólk: Kom og halt summarskeið 
Heilsu­frøðiliga Starvsstovan hevur kannað stýring av temperaturi undir innfrysting av fiskavørum
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi