Heilsuskipanin í Kolumbia er ikki tygnd við Covid-19-sjúklingum enn, nú landið hevur ligið niðurlæst í tveir mánaðir, men í grannalondunum hjá Kolumbia fyllast bæði sjúkrahús og kirkjugarðar við fólki, sum eru deyð av koronasmittuni. Og í Ekvador liggja koronalíkini eisini og sløðast í gøtunum í størsta býnum í landinum, Guayaquil.

Tað skrivar Reuters.

Óttin fyri at tað sama skal henda Kolumbia, hevur fingið handilsmannin, Rodolfo Gomez, sum eigur fyritøkuna, ABC Displays, og sum vanliga framleiðir tilfar til marknaðarføring, hevur nú sniðgivið pappkistur.

- Vit síggja, hvat er hent í Ekvador, at fólk hava tikið sínar koronadeyðu familjulimir út á gøturnar. Og eitt annað, sum hendir, er at fyritøkurnar, sum taka sær av jarðarfeðum, hokna undir pandemi-byrðuni, sigur Rodolfo Gomez.

Kombineraðu sjúkrahússengurnar og kisturnar hava metallhjól, sum kunnu bremsa og koyra (trilla) spakuliga. Tær tola eina vekt uppá 150 kilo. Og seingjarkisturnar kosta millum 92 og 132 US-dollarar, tað er millum 625 og 900 krónur.

Fyrstu seingjarkisturnar fer Gomez at donera einum sjúkrahúsi í Leticia, sum er ein amazonskur býur í Kolumbia, har nógv hava fingið koronasmittuna.

Gomez sigur, at hann longu hevur tosað við møguliga avtakarar í Peru, Kile, Brasil, Meksiko og í USA.

Kelda: Reuters