Mánadagur 25. Hvassur vindur av úts.s. 13-15 m/s, nakað av regni seinnapartin og hitin 8-10 stig

Týsdagur 26. Hvassur vindur av úts. 13-16 m/s, ælaveður, men sólin sæst eisini ein stóran part av degnum og hitin 8-9 stig

Ónsdagur 27. Strúkur í vindi niður í andøvsgul av úts 14-8 m/s, okkurt æl, men sólin sæst eisini og hitin 7-9 stig

Tórsdagur 28. Fyri tað mesta sunnan 7-10 m/s, regn um morgunin og hitin 7-9 stig

Fríggjadagur 29. Úts. snarandi í lands. 8-10 m/s, regn og tám ella mjørki og hitin 8-11 stig

Leygardagur 30. Úts 12-3 m/s, okkurt æl og hitin 7-9 stig

Sunnudagur 31. Hvítusunnudagur Úts.s. 5-6 m/s, fyri tað mesta turt, sólin kemur fram og hitin 8-11 stig

Mánadagur 1. juni  2. Hvítusunnudagur Sunnan 7-13 m/s, regn av og á og sólin sæst. Hitin 8-10 stig

Samanumtikið: Mest lágætt, regn av og á, men onkrar dagar sól og rættiliga gott veður á hvítusunnu. Hitin alla vikuna 7-11 stig

Veðurtekn:  At fólk vera ávirkað av veðrinum, visa hesar báðar lítlu søgurnar: Tá ið børnini hjá ogum vóru smá, høvdu ogur eitt óføra gott barometur í húsinum. Ein av døtrunum var ógvuliga tung at fáa upp um morgunin, og tá hon so endiliga kom upp, var lagið ikki nakað serligt at byrja við. Dagurin var bjargaður, og veðrið bleiv gott. Men so hendi viðhvørt, tá hon varð vakt, at hon sprakk upp glað og fór kanska eisini at syngja við einum smíli um alt andlitið. Tá visti okur, at áðrenn dagurin var liðugur, so bleiv illveður.

Sum ungur sigldi je við línibáti í fleiri ár. Har var ein maður við, sum altíð hevði gron, tá ið hann bleiv útpurraður. Tú tordi ikki at hyggja at honum og als ikki siga nakað við hann, so fekst tú eitt hvast aftursvar. Men so hendi tað við hvørt, at hann kom flennandi og spælandi aftur eftir dekkinum eftir at verið útpurraður. Tá visti okur, hvat klokkan hevði sligið. Áðrenn dagurin var hálvur, var av ringasta illveðri, og okur máttu leggja bakk. Hetta kallaði ogur at spæla upp undir illveður.

Petur Hans sigur um veðrið á Ovarugøtu kl. 7 í morgun: Sunnan 9 m/s, skýggja, turt og hitin 10,8 stig