Hetta hevur fingið øði í Donald Trump, sum er íðin brúkari á Twitter.

Boðini, sum Twitter hevur sett fact-check merkið á hjá amerikanska forsetanum, snúgva seg um brævatkvøður. Donald Trump vil vera við, at brævatkvøður í besta føri vera “eitt sindur misnýttar” í samband við komandi valið.

Hetta úttalilsið vil Twitter eftir øllum at døma ikki lata standa til, og hevur tí lagt eitt leinki aftrat boðunum hjá Donald Trump, har fólk sjálvi kunnu lesa um, hvussu brævatkvøður ganga fyri seg.

Í fleiri ár hevur Twitter fingið ábreiðslur, fyri ikki at hava steðga boðum frá forsetanum, har hann hevur sent persónlig álop á mótstøðufólk, og teoriir um samansvørjingar, sum í forvegin eru prógvaðar ósannar, á miðilinum. Men nú er eftir øllum at døma ov mikið fyri Twitter. Tað skrivar BBC.