Felagið bíðar framvegis eftir at ein avtala um bygnaðarbroytingar skal falla uppá pláss, har skuldin uppá 11 milliardir norskar krónur verður løgd um til partabrøv.

Hallið hjá Solstad fyrsta ársfjórðin í ár var 2,25 milliardir norskar krónur fyri skatt. Somu tíð í fjør var hallið 556 milliónir norskar krónur.

Hallið er vaksið nógv fyrst og frems orsakað av veika kursinum á norsku krónuni. Ein onnur orsøk eru eingangsútreiðslur, sum hava samband við uppsagnir av leasingsáttmálum fyri skip.

Eginpeningurin hjá Solstad Offshore er negativur við 6,37 milliardum norskum krónum, tað er tað sama sum 4,3 milliardir danskar krónur.

Á ja-ligu síðuni sæst, at rakstrarúrslitið uppa 1,2 milliardir norskar krónur gav eit EBIDTA uppá 285 milliónir krónur, og tað er einar 60 milliónir krónur betri enn somu tíð í fjør.

Solstad eigur umleið 150 skip, og eftir ætlan skal felagið av við umleið 30 teirra. Og tað skrivar Shippingwatch og Maritime Danmark.

Einir hundrað føroyingar sigla við Solstad Offshore.