Sjófólk leypa fyri borð av reikferðaskipum
Læsta støðan og óvissan á nógvum reikferðaskipum, sum í løtuni liggja still orsakað av koronafarsóttini, førir í alt størri mun til, at einstøk av manningunum leypa fyri borð ella taka seg av døgum á annan hátt.
Tað skrivar danska blaðið Søfart.
CBS News skrivar, at hóast handilsligu aktivitetirnir í krúsvinnuni mugu metast sum ógvuliga avmarkaðir, so vóru sambært amerikonsku sjóverjuni umleið 71.900 sjófólk (manning) umborð á teimum 104 reikferðaskipunum, sum í byrjanini av mai mánað vóru í ella nærindis amerikanskt sjóøki.
Sambært amerikonskum miðlum doyðu fýra sjófólk eftir tíggju døgum í byrjanini av mai. Teirra millum var ein 29 ára gamal maður úr Ungarn, sum tók seg av døgum umborð á “Carnival Breeze”, meðan skipið var á veg frá Bahamas til Evropa at seta manning í land.
10. mai leyp ein kvinna úr Ungarn fyri borð av “Regal Princess” út fyri Hollandi, meðan skipið var í holt við at lata manning avmynstra, og eina viku frammanundan leyp ein 29 ára gamal elektrikari úr Póllandi fyri borð av “Jewel of the Seas”.
Sambært Cruise Law News segði forstjórin í Royal Caribbeans, Richard Fain, við CNBC hendan dagin, at hann er ikki vísur í, nær reikferðaskipini aftur koma út at sigla.
Mest lisið í farnu viku
Samband
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Nýggjastu tíðindi
