Á Facebook síðuni hjá G! Festivalinum stendur soleiðis:

- Hetta er ein tung avgerð at taka, men øll hava vit ábyrgd at ansa eftir hvørjum øðrum, og vit á G! mugu við harmi ásanna, at tað er ikki ráðiligt at hava festival í summar.

G! Festivalurin takkar øllum, sum trúfast hava vitjað festivalin, og fyriskipararnir hyggja frameftir við gleði og vóna at hátíðarhalda 20-ára dagin komandi summar.

- Tá Hjálparpakki 3 er samtyktur, fara vit at kunna nærri um møguligt endurgjald viðvíkjandi atgongumerkjum, og hvat hetta merkir fyri framtíðina hjá festivalinum, stendur at enda á Facebooksíðuni hjá G! Festivalinum