KIRKJUR, SAMKOMU- OG MISSIÓNSHÚS - nú verður latið uppaftur!
Hósdagin 14. mai steig ein væl nøgdur løgmaður fram á tíðindafundi og kunngjørdi, at hann hevði góð tíðindi til sínar landsmenn. Hann boðaði frá, at nú flytur føroyska samfelagið nærri einum vanligum gerandisdegi, samstundis sum hann takkaði føroyingum fyri, hvussu væl fólkið hevur tikið undir við almennu tilmælunum, og at hetta er orsøkin til, at vit eru komin har, sum vit eru. Men vit mugu framvegis vera ógvuliga varin bæði í frástøðu og reinføri, legði løgmaður dent á.
Sunnudagin 17. mai lótu kirkjur og missiónshús upp fyri Gudstænastum og møtum, meðan fleiri aðrar samkomur lótu dyrnar upp eina viku fyrr. Fólk eru glað at savnast aftur í sínum egnu samkomuhúsum, missiónshúsum og kirkjuhølum, men enn eru tilmælingar, sum vit eiga at halda okkum til.
Á heimasíðuni hjá Trúboðanum hevur Carsten Fonsdal Mikkelsen eina Korona-dagføring, har hann kemur við praktiskum vegleiðingum í samband við at Gudstænastur og møtir byrja aftur kring landið:
- Tað skal framvegis vera 2 metur frástøða.
- Húski, íð búgva undir sama taki, kunnu tó sita tætt saman.
- Verður borðreitt eftir møti/Gudstænastuna skal skipast fyri, at fólkið situr í tilmældu frástøðuni, og at borðbúnaðurin ikki ber smittu millum fólki.
- Eisini er umráðandi, at toiletviðuskiftini eru rein, og at lutir, sum øll nema við, verða sóttreinsað millum hvørt samband.
Á heimasíðuni hjá Fólkakirkjuni er ein drúgv vegleiðing um hvussu farast skal fram í føroysku kirkjunum nú Gudstænasturnar byrja aftur. Har verður m.a. tilmælt, at einki ervið verður hildið áðrenn 01. september. At í mesta lagi 100 fólk savnast í teimum stóru kirkjunum, 75 í teimum miðalstóru og 30 í teimum minstu kirkjunum. Hetta er galdandi bæði fyri Gudstænastur, jarðarferðir og vígslir. Víðari verður tilmælt, at sitið verður diagonalt á aðru hvørjari stólarøð. At ongar konsertir verða í kirkjunum áðrenn 01. september, og at fólk nýta egna sálmabók.
Biskupur og Dómpróstur heita á prestarnar, um at minna á hesi viðuskifti frá sjálvum prædikustólinum.
Kristiliga Tíðindatænastan
v/poul jóhan djurhuus
Tlf: +298 228314
gjaranes@gmail.com
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur