Føroya Skipara og Navigatørfelag skrivar, at tað hava verið fleiri semingsfundir, og tann29. mar legði semingsstovnurin eitt semingsuppskot fram fyri partarnar. Evstamark hjá pørtunum at svara var klokkan 12.00 30. mai.  

Allir partar tóku undir við semingsuppskotinum.

Tað er eingin loyna, at FSN er ikki væl nøgdir við avtaluna, men hetta var so tað, skrivar felagið á heimasíðu síni. Felagið sigur millum annað á heimasíðuni:

"Tað, sum sermerkir hesa avtaluna, er í høvðusheitum hetta:

Oljan fyri bólk 2 og Rækjuflotan er farin úr 4,70 til 4,90  og fyri Rækjuflotan úr 3,95 til 4,10.

Pensjónin, sum reiðarin rindar fyri, er komin uppá kr. 50,- pr/mynstraðan dag.

Ein tryggjing, sum reiðarin rindar fyri skiparar v/ manning fyri bráðsjúkur og hjá børnunum hjá tryggjingartakarunum
§ 20 stk 6. hevur fingið nýggja orðing.

Onkrar aðrar smávegis broytingar vórðu eisini gjørdar, skrivar FSN.