Fyrireikararnir eru sera fegnir um stóra áhugan fyri Dansibandsfestivalinum og tað er greitt, at Dansibandsfestivalurin 2020 skuldi verða tann størsti nakrantíð. Kampingplássið var útselt og forsølan av vikuskiftispassum hevur ongantíð verið so góð.

Hesar upplivingarnar eru nú útsettar til 2021.

Tey nógvu, sum hava keypt vikuskiftispass, kunnu velja at flyta vikuskiftispassið til 2021, og tað sama er galdandi fyri tey, sum hava bílagt og goldið fyri kampingpláss.

Fyriskipararnir vóna, at tey flestu taka av møguleikanum at flyta vikuskiftispassini og bíleggingarnar av kampingplássinum til 2021.

Ynskja fólk hinvegin at fáa peningin afturgoldnan, so ber til at fáa gjaldið fyri vikuskiftispassið og kampingplássið endurgoldið, tó undantikið avgreiðslugjaldið á 20,- kr.

Tey, sum ynskja peningin endurgoldnan, kunnu venda sær til Hans Jacob Hjelm umvegis teldupost: hansjacobhjelm@yahoo.com - og uppgeva navn, bústað og konto-nummar, har peningurin skal flytast aftur á.

Tey, sum ikki venda sær til fyrireikararnar við fráboðan um at fáa peningin endurgoldnan, verða skrásett sum luttakarar í Dansibandsfestivalinum 2021.