- Ørkymlanin breiðir seg umborð, og hetta er brot á mannarættindini, sigur Hans Sande, í norska felagnum fyri Yvirmenn á Sjónum við Skipsrevyen.

150.000 sjófólk um allan heim eru rakt.

- Vit hava stórar avbjóðingar við at fáa framt manningarskifti, sigur Line Onstad, sum starvast í Norska Reiðarafelagnum.

Felagið hjálpir reiðaríunum í samstarvi við altjóða Reiðarafelagið, men hevur stórar avbjóðingar í fleiri londum. Tað eru avbjóðingar við at útvega ferðaseðlar, visum og landloyvi. Fleiri lond hava eisini innferðarloyvi og hava sett í gildi ymisk sløg av sóttarhaldi.

Keldur, sum Skipsrevyen hevur tosað við, siga, at avbjóðingarnar eru serliga stórar í USA og Asia, meðan støðan er batnað eitt sindur í Karibia.

- Vantandi altjóða samskipanin, sum skal til fyri at sjófólk skulu kunna mynstra av, harmar okkum framvegis, sigur Hans Sande í Yvirmannafelagnum fyri Sjófólk.

- Tað er ikki bara vantanti avmynstringin, sum harmar okkum, men eisini at nógv sjófólk ikki fáa loyvi at fara í land í frítíðini. Tað hava tey annars krav upp bæði sambært norskari- og altjóða lóg, sigur Sande.

Tað skriva Skipsrevyen og Áhugafelagið Antares.