Sjódypp er eitt áhugafelag við limum sum dáma væl at svimja á sjónum, og endamálið við hópfíggingini er at savna stuðul inn til at skapa eina heilárs baðioasu við Tjaldavík, sum er ein náttúruperla í Suðuroy. 

Áhugafelagið Sjódypp sigur soleiðis um verkætlanina:

- Í Tjaldavík er eitt strekki av sandi við sjóðarmálan, sum nógvir limir í Sjódypp fara til fyri at baða. Okkara dreymur er at gera umstøðurnar at koma til sandin betri og at byggja eitt baðihús við sauna. Vit eru sera spent um, hvussu okkara verkætlan fer at bliva móttikin, og fara at heita á øll um at hjálpa, sigur áhugafelagið Sjódypp.