Danski politikkarin, Rasmus Paludan, dømdur 3 mánaðar fongsul
Danski politikkarin fyri flokkin, Stram Kurs, og sakførari, Rasmus Paludan, er dømdur 3 mánaðar fongsulsrevsing og sleppur ikki at føra revsimál sum sakførari næstu trý árini. Rasmus Paludan er dømdur fyri rasismu, ærumeiðan og fyri at hava koyrt hættisliga.
Rasmus Paludan hevur fingið treytaleysa fongsulsrevsing fyri ein av teimum trimum mánaðum, og hann tekur við beinavegin.
Seinastu dagarnir hevur danski politikkarin sitið á ákærubonkinum við íalt 14 ákærupunktum um rasismu, ærumeiðing á hættisliga koyring.
- Ákærdi er funnin sekur í øllum viðurskiftum, segði Line Bjørklund, rættarformaður.
- Rætturin hevur fingið prógvað, at framsagnir hjá ákærda vóru háðandi og niðrandi ímóti einum samfelagsbólki.
Rætturin hevur samstundis gjørt av, at Rasmus Paludan missir møguleikan at føra revsimál sum sakførari næstu trý árini. Hann forar honum tó ikki í at føra borgaralig rættarmál.
Verjin metti, at Paludan skuldi fríkennast, tí framsagnirnar vóru sagdar sum liður í hansara politiska virki sum formaður í einum politiskum flokki.
Sambært Danmarks Radio ætlar Rasmus Paludan at kæra dómin.
Mest lisið í farnu viku
Samband
Heygsvegur 8
490 Strendur