Kostar 75 krónur - við haldi - at koyra gjøgnum Eysturoyartunnilin
P/F Eystur- og Sandoyartunlar kunngera í dag, hvørji gjøldini fyri at koyra gjøgnum Eysturoyartunnilin verða. Tunnilin letur væntandi upp eftir ársskiftið.
Í avsláttrarskipanini fer td. Ein einvegis túrur við persónbili millum Eysturoynna og Streymoynna at kosta 75 krónur. Kostnaðurin fyri hvørt akfar í einum haldi er kr. 200 um árið.
Í mun til hinar tunlarnar, skulu brúkararnir av Eysturoyartunlinum gjalda serstakt báðar vegir, tá koyrt verður ígjøgnum. Orsøkin er, at brúkararnir av tunlinum kunnu velja at koyra gjøgnum tunnilin ein veg og eftir verandi farleið heim aftur. Tí eru allir prísir fyri einvegis túrar. Gjaldsskipanin skrásetir við hvønn tunnilsmunna, har akfarið koyrir inn, og við hvønn munna tað koyrir út. Frá skrásetingunum verður so rætta gjaldið ásett.
Yvirskipað verður møguligt at tekna hald fyri at koyra gjøgnum tunnilin. Haldið gevur avsláttarfyrimunir í mun til bilar, sum ikki hava hald, har eitt avgreiðslugjald á kr. 100 fyri túrin verður lagt omaná. Fyri persónbilar verður hartil ein serlig avsláttarskipan. Skrásetingarskipanin í Eysturoyartunlinum skrásetir talið á túrunum frá fyrsta í hvørjum mánaði og ásetir prísin eftir túratali ávísa mánaðin.
Prísirnar fyri at koyra gjøgnum Eysturoyartunnilin kunnu síggjast: her
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur