Svarið frá landsstýrismanninum kom í gjár, og var um somu leið eitt stórt vónbrot, sum tó kortini gevur glotta av vón. Í øllum føri vón um bata í longri høpi, sigur Bjørt Samuelsen.

Landsstýrismaðurin vísir á, at játtanin til afturbering er ov lítil, einans 200 túsund krónur, og sigur at “tað ber tí ikki landsstýrismanninum til at tryggja, at henda framleiðslan verður í Føroyum.” 

Men landsstýrismaðurin letur hurðina standa á gloppi fyri, at játtanin kann verða hækka á komandi fíggjarlóg, heldur tingkvinnan.

Fyrr í vikuni koyrdi samgongan eina eykajáttan gjøgnum Løgtingið – har vóru útreiðsluhækkingar fyri væl omanfyri 200 milliónir krónur. Var vilji í landsstýrinum, so fevndi eykajáttanini eisini um afturberingarskipanina, so hon kundi lofta TROM og tryggja sera spennandi arbeiðspláss, dygt PR og virðismikla førleikamenning innan film í Føroym – umframt tær 16 milliónirnar, sum koma í føroyskar kassar, sigur Bjørt Samuelsen.

- Góðar kreftir úr nærum øllum flokkum á Løgtingi ynskja og vilja, at TROM verður loftað. Hetta var jú sjálv meiningin við afturberingarskipanini – at hon skuldi kunna tryggja, at til ber at framleiða størri filmar og/ella filmsrøðir í Føroyar. Ein stórur meiriluti er til reiðar at trýsta á grønu knøttarnar, kemur grønt ljós úr landsstýrinum, sigur Bjørt Samuelsen.