Árligi ruddingardagurin í Nes kommunu verður mikudagin 1. juli, og byrja verður at rudda kl. 18.00.

Í nógv ár hevur ruddingardagurin verið síðsta vikuskifti í apríl, vikuskiftinum undan árliga bátafestivalin á Toftum. Korona farsóttin gjørdi at bátafestivalurin í 2020 fyrst bleiv útsettur og síðani avlýstur. Ruddingardagurin, sum skuldi verða 25. apríl, bleiv eisini útsettur, og verður nú ístaðin 1. juli.

Vanliga hevur verið bjóða til morgunmat og búffar hava verið grillaðir eftir ruddingina. Men grundað á koronatilmælini, sum siga, at ikki ov nógv fólk skulu savnast, verður eingin matur í ár.

Ruddingin byrjar kl. 18.00, tá posar og handskar kunnu avheintast við egningarskúrðarnar á Toftum og ruddað verður til kl. 20.00 tá træpakkarnir verða útleveraðir, eisini við egningarskúrðarnar.

Nes kommunu vónar at nógv koma at rudda.