66 ára gamli Francois Fillon, sum einu tíðina sá út til at vinna forsetavalið í 2017, er funnin sekur í fíggjarsviki og at hava funnið upp á arbeiði til konu sína, sum ikki hava verið til.

Umframt fimm ára fongsulsrevsing - av hesum eru tvey ár treytaleys, skal Fillon gjalda bót uppá 2,8 milliónir krónur. 

Kona hansara, Penelopé Fillon, er somuleiðis dømd trý ára treytaða fongsulsrevsing.

Tá Fillon í 2017 førdi valdyst, fall valdysturin saman, tí søgur komu framm um, at forsætisráðharrin, hevði gjørt óverulig arbeiði til konu sína, sum skattaborgararnir goldu løn til - hóast tað ongantíð kundi skjalprógvast, at Madame Fillon nakrantíð hevði arbeitt fyri mannin hjá sær.

Bæði Francois og Penelopé Fillon hava valt at kæra dómin. Francois Fillon hevur annars viðgingið fleiri av ákærunum fyri veljarunum hjá sær, men hann heldur uppá, at gerðirnar ikki eru ólógligar.

Fillon var forsætisráðharri, ta tíðina Sarkozy var forseti. Sarkozy er eisini skuldsettur fyri mutur.