Í Amerika, Suðir-Asia og í Afrika veksur talið av smittaðum nógv og skjótt.

Leiðari í WHO heitir sambært NRK á fólk um at fylgja ráðunum, sum vit vita rigga: At vaska hendur og halda frástøðu.

“Vit vilja øll hava hetta at vera yvirstaðið, og vit vilja øll sleppa at liva okkara lív. Men trupulleikin er, at hetta er ikki í nær námind at vera yvirstaðið, sigur leiðarin í WHO, Tedros Adhanom Ghebreyesus.

Meira enn 10 milliónir fólk eru smittað, síðan korona byrjað at gera um seg í Kina seinast í 2019. Meira enn helvtin eru smittað í Evropa og í USA. Og talið veksur nógv á amerikanska meginlandinum.

Deyðstalið veksru skjótat í Brasil. Har vórðu 1271 nýggj deyðsføll mánadagin. Í alt eru nú sløk 60.000 fólk deyð av koronavirusinum sambærty Worldometers. Men roknað verður við stórum myrkatølum í Brasil.

Flest smittað eru í USA, har verða í løtuni 40.000 fólk staðfest við smittuni um dagin. Havast skal esini í huga, at USA er tað landið í heiminum, sum ger lutfalsliga flest koronaroyndir um dagin. Samstundis sum talið á smittaðu veksur í USA, lækkar talið á deyðum.

Í Mexico veksur talið eisini skjótt, men vinstrapopulistiski forsetin, Andrés Manuel López Obrador, noktar at bera masku, og tað ávirkar fólkið. Meira enn 220.000 fólk eru smittað í Mexico, og sløk 28.000 eru deyð.

Almenna talið í India er 586.000 smitta, og 17.000 fólk eru deyð. Men her verður hildið, at talið er nógvar ferðir hægri.

Og á afrikanska meginlandinum veksur talið eisini skjótt. Har eru 151.000 staðfest við smittuni, og umleið 6.000 fólk verða í løtuni staðfest við smittuni um dagin, skrivar NRK.