Visjónin hjá kommununi við Virknishøllini er, at tað skal vera møguleiki fyri sjálvskipaðum virksemi hjá borgarum at nýta til alskyns rørslu og spæl, harav navnið virknishøllin. Harumframt verður høllin part av tíðini brúkt til dagstovnin í Kongagøtu og annað virksemi innan dagstovnaøkið. 

Høllin er nú sett í stand og m.a. er hallargólvið, sum er frá byggingini í 1956, pussað upp, stór vindeygu eru sett í bygningin og høllin tekur seg væl út.

Tað fer at bera til at bíleggja høllina gjøgnum skipanina inni á heimasíðuni www.itrott.fo. Fyri at tryggja, at so nógv sum gjørligt kunnu fáa gagn av hentleikanum, ber til at bíleggja upp til 5 vikur í senn. Ætlandi verður høllin tøk frá mikudegnum 8. juli.

Í komandi viku letur ovara høllin eisini upp. Har verður listahøll, har listafólk kunnu leiga básar. Innbjóðing til móttøku og kunning um leigu av listahølunum kemur ein av døgunum.

Samlaða fíggjarætlanin fyri verkætlanirnar í báðum hallunum er 3,95 mió.kr. Høvuðsráðgevi hevur verið Ove Mortensen Arkitektavirkið og Sp/f ÁTS hevur verið høvuðsarbeiðstakari.