Endamálið við Faroexpo er at seta føroyskar fyritøkur og teirra virksemi í brennidepilin og at styrkja sambandið millum fyritøkur kring landið, og millum føroyskar og útlendskar fyritøkur. 

Luttøkan undanfarin ár hevur vanliga ligið frá 50 til 70 luttakandi fyritøkur. 

Áhugin fyri ársins Faroexpo er óvanliga stórur, og fyriskiparnir frøast um at hava fingið luttakarar úr londum, sum ikki hava havt so góða umboðan áður, eitt nú Pólland og Grønland, har umboðanin í ár sær út til at gerast tann størsta higartil. 

VRG skipar fyri vinnustevnuni í samstarvi við Runavíkar kommunu, sum hevur verið ein aktivur viðspælari líka síðan Faroexpo varð fyriskipað fyrstu ferð í 2005.