Team Rynkeby súkklarar á ferð í Føroyum
Nú tað ikki bar til hjá Team Rynkeby Føroyum at byrja árliga túrin til París í dag, hava súkklararnir í staðin valt at fara eina rundferð í Føroyum. Hóast túrurin í Føroyum ikki verður so heitur og eksotiskur sum ætlað, eru súkklararnir klárir og við gott mót, nú nógvir av teimum fyri fyrstu ferð skulu royna at súkkla so long strekki í so nógvar dagar á rað.
Tískil verða nógvar gular súkklur at síggja á vegnum teir næstu dagarnar, so heitt verður á bilførarar um at vera ansin og koyra varliga framvið súkklarunum.
Túrurin byrjar leygardagin 4.juli, tá ið súkklað verður í allari Suðuroynni. Sunnudagin fer liðið í Eysturoynna og í Norðoyggjar. Mánadagin verður súkklað í Streymoynni og Eysturoynni. Túrurin endar týsdagin 7.juli, tá leiðin gongur úr Streymoynni í Vágar og aftur í Streymoynna.
Stuðulin til Team Rynkeby Føroyar fer óskerdur til børn við álvarsligum sjúkum.
Mest lisið í farnu viku
Samband
Heygsvegur 8
490 Strendur