Drekin í Vestmannsundi: Tekniskir trupulleikar seinka kaðalleggingini
Starvsfólk hjá Minesto og veitarum hava gjørt fyrireikandi arbeiði á landi og sjógvi seinastu vikuna í sambandi við royndarverkætlanina við sjóvarfalsorku í Vestmannasundi. Av tekniskum ávum varð tó ikki komið á mál við at leggja kaðalin út, sum skal leiða elorkuna frá drekanum upp á land, og sum skuldi verið lagdur á botnin í vikuni.
Sí eisini myndarøð á R7.fo HER https://r7.fo/news/25188/myndarod-hesin-skal-sveima-i-vestmannasundi
Teknisku trupulleikarnir við kaðalleggingini eru ikki tengdir at DG 100 sjóvarfalsorkuverkinum hjá Minesto, men fara tó at seinka arbeiðnum nakað.
Ætlanin hjá Minesto er at avgreiða fyrireikingararbeiðið, herundir eisini kaðallegging, í næstum, tá streymviðurskiftini loyva tí.
”Uttan mun til, hvussu spent vit eru at fáa sjóvarfalsorkuverkið installerað og at framleiða elorku inn á netið skjótast gjørligt, so virða vit ta tíð, tað tekur at gera hetta á tryggasta hátt”, sigur Dr. Martin Edlund, forstjóri hjá Minesto.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur