SANDFRAKT OG SUMMARLEGA Í SUÐURGRØNLANDI - primitivar umstøður
Tað var í 2012, at trúboðarahjúnini Marjun og Páll Poulsen fluttu til Qaqortoq í Suðurgrønlandi at virka. Longu eftir einum ári, í 2013, byrjaðu tey barnalegu í Eqaluitfjørðinum í Suðurgrønlandi. Legurnar hava verið á hvørjum ári, men í ár verður tað annarleiðis orsaka korona.
Nógvur matur, útgerð og prentlutir skula til eina summarlegu eins og heima hjá okkum, og har, sum tey eru er ikki so atkomuligt til vøruúrvalið, um vit samanbera við summarlegurnar í Føroyum. Her hevur reiðaravirkið Sandfrakt í Fuglafirði roynst ein dyggur stuðul. Sandfrakt í Fuglafirði hevur skip siglandi í Suðurgrønlandi í summarhálvuni á hvørjum ári, og tá skipið fer úr Fuglafirði hava teir allan farmin við, bæði matvørur og annan farm.
Tað er Marius Sørensen úr Runavíkini, sum tekur ímóti matvørunum og sum seinastu 8 árini hevur samskipað farmin í Føroyum og gjørt hann kláran til avskipan frá goymsluni í Fuglafirði. Kristiliga Tíðindasendingin var í Fuglafirði, tá avskipingin fór fram, og Marius vísti okkum fíra stórar og rokaðar frystiboxir og annan farm, sum skuldi til summarleguna í Oaqortoq.
Marius sigur, at tað hevur verið stuttligt at uppliva hesi árini hvussu ríkiliga tað verður givið til summarleguna. Tað eru bæði privatfólk , samkomur, fyritøkur og reiðaravirkir, sum stuðla við gávum. Tað ber eisini til at stuðla fíggjarliga, tí ein føroysk konta er stovnað til endamálið, sigur Marius Sørensen.
NÝGGJ ATLØGUBRYGGJA
Hesi árini, ið Sandfrakt hevur siglt til Oaqortoq hevur eingin atløgubryggja verið, har farmurin kann leggjast upp. Tí hava teir í mong ár brúkt ein stóran flaka, sum hevur verið sleipaður til og frá skipinum, men í ár skal ein flótikaj monterast í Oaqortoq, sum kemur at gera tað munandi lættari, sigur Marius Sørensen í samrøðu við Kristiligu Tíðindasendingina.
Kristiliga Tíðindatænastan
v/ poul jóhan djurhuus
Tlf: +298 228314
gjaranes@gmail.com
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur