Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

GULL TIL SUSAN OG ØSSUR BERGHAMAR - Kristnastova, hóskandi karmar!

Kristiligar Tíðindasendingar | 04/07-2020 23:30
Susan og Øssur í urtagarðinum uttan fyri Kristnastovu

Seinasta leygardag vóru 50 ár liðin síðani Susan og Øssur Berghamar, fyrrverandi fyristøðuhjún í Kristnastovu í Keypmannahavn,  gingu í hjúnaband. Susan er uppvaksin í London og Øssur er vaksin upp í Havnini. 

Tey vórðu vígd í London, men valdu at búseta seg í Tórshavn, men longu í 1972 kendu tey kall at virka í Danmark, har tey gjørdust ein partur av evangeliska trúboðaraátakinum Operation Josva, sum hevði høvuðsstøð á Fyn. 

Í hesum arbeiðinum komu tey at ferðast nakað í Danmark m.a. í Keypmannahavn, har tey hittu føroyskar útisetar. Tað var tá, at tankin og kallið kveiktist í teirra sinni, at gera eitt miðvíst kristiligt arbeiði millum føroyingar, sum vóru fluttir til danska høvuðsstaðin at lesa. 

Tá tíðin var liðug við Operation Josva fluttu tey til Keypmannahavnar. Á heysti í 1973 fluttu tey í leiguíbúð á Oxford Allé á Amager. Har savnaðu tey føroyingar til kristiliga samkomu hvørt fríggjakvøld tey næstu 6 árini – tað vísti seg, at undirtøkan millum føroyingar í høvuðsstaðnum var sera góð!

Sum árini gingu var brúk fyri størri og meiri tíðarhóskandi hølum, og í 1979 varð ognin á Birmavegi 36, eisini á Amager, keypt til sama endamál. Tey fluttu inn í stásiligu stórhúsini á horninum Birmavej og Backersvej, har føroyska merkið hevur veitra til dagin í dag og bjóða føroyingum vælkomnum til kristiliga samkomu í Kristnastovu. 

Tað eru í dag 47 ár síðani Susan og Øssur lótu dyrnar upp í Kristnastovu á fyrsta sinni, og leygardagin 20. juni var Kristnastova hóskandi karmurin til gullbrúdleypsdagin, sum var hildin fyri familju, vinum og kenningum. Leygardagurin var sjálvur brúdleypsdagurin. Orsaka korona var talið av gestum avmarkað.

Kristiliga Tíðindasendingin hevur tosað við onkran av gestunum, sum sigur, at talarnir vóru nógvir, og at tað, sum hoyrdist aftur í talunum var týdningurin, sum Kristnastova hevur havt fyri lesandi útisetar. 

Susan og Øssur búgva ikki í Keypmannahavn í dag, men hava seinastu 12 árini búð úti í Ganløse, sum liggur nakað uttan fyri Keypmannahavn. Tey vitja framvegis regluliga á Ríkissjúkrahúsinum og sjúklingahotellinum, og eru framvegis virksom í Kristnastovu, hóast nøkur av seglunum vóru repaði fyri 12 árum síðani, tá Dora og Niels Pauli Nónstein gjørdust fyristøðuhjún í Kristnastovu. 

Í januar mánaða í fjørð varð Øssur útnevndur ársins føroyingur millum lesararnar av Tíðindablaðnum  Sosialurin. Hendan heiðurin fekk hann fyri ótroyttiligu og stimbrandi vitjanir sínar á Ríkissjúkrahúsinum.   

Kristiliga Tíðindatænastan
v/ poul jóhan djurhuus 
Tlf: +298 228314
gjaranes@gmail.com

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Samrøða: Bjarti Mohr um amerikanska forestavalið 2020
Ein í koronakø: Vit larraðu okkum fram í næstan seks tímar
Obama stuðlaði islamum at byggja mosku, har Twin Towers stóðu
Vespureiðrið (146) - 10. aug. 2020
Til lukku Bárður
Størsta vinningsbýti nakrantíð í Evropa
Samrøða: Elsti maður í Barentshavi­num farin seinasta túrin
Er Corona bert eitt ringt beinkrím ella undirgangur Vesturlanda
Kendist gott at koma her
Við fastur síni til konsert
Suðuroyar Sjúkra­hús: Vit pota eisini í dag leygar­dagin 8. august
Venjara­felagið: Vit undrast yvir, at ávísir venjarar fáa loyvi til at standa á odda fyri sínum liði
Borgar­stjóri: Haldi tykkum burtur í kvøld
Fyritøkur sum Burberry, Nike og H&M brenna síni avlopsklæði
Brandur Sandoy svarar Linjohn Christiansen aftur
Petur Hans Dahl. veðurfrøð­ingur: Veðurvá­nir fyri hesa vikuna (vika 33)
Ein oldingi avloysir ein avdeyða sum forseti í Algeria
Beirut: Russiskur reiðari undir illgruna
Ikki alt er so galið kortini
So eksploderaði smittan: 14 nýggir koronatilburðir
Danmark setir fleiri lond á gula listan
Sigla olju út um landið
Malawi: ein veik glæma úr Afrika
Miðil: Ein matstova í Eysturoynni helt ikki kunngerð­ina
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi