Tað er nakað síðani, at Dora og Niels Pauli byrjaðu at trappa niður, tá tey fluttu í eina íbúð inni í býnum, og Klaksvíkshjúnini Sólvá og Jákup Hansen fluttu inn í Kristnastovu, har tey eru enn í dag. 

Kristiliga Tíðindasendingin hevur tosað við Niels Paula í vikuni, og hann sigur, at nú er tíðin komin hjá teimum at flyta heim til Føroyar. Konan og tvey tey ynsktu børnini eru flutt, og Niels Pauli flytur um mánaðarskifti juni/juli. Tey koma at búgva í Tórshavn. 

Niels Pauli sigur, at tað fyrstu tíðina kemur hann at vera knýttur til arbeiði í Kristnastovu hóast búsitandi í Føroyum. Hetta merkir, at hann kemur at ferðast nakað ímillum Føroyar og Keypmannahavn. 

Dora og Niels Pauli eiga tvær gentur og ein drong, sum mugu sigast at vera Kristnastovubørn burtuav, tí tey eru øll fødd undir tíðarskeiðinum hjá foreldrunum í  Kristnastovu. 

Kristiliga Tíðindatænastan
v/ poul jóhan djurhuus
Tlf: +298 228314 
gjaranes@gmail.com