Petur Hans Dahl. veðurfrøðingur: Veðurvánir fyri hesa vikuna (vika 28 )
Samanumtikið: Fyri tað mesta millum andøvsgul og frískan vind millum útn og úts, skiftandi millum ælaveður og sól og hitin 7-12 stig
Mánadagur 6. Frískur vindur av útn 8-10 m/s, ælaveður, men sólin sæst og hitin 7-9 stig
Týsdagur 7. Andøvsgul av útn gangandi í vestan 5-6 m/s, okkurt æl, men annars kemur sólin fram. Hitin 6-10 stig
Ónsdagur 8. Andøvsgul upp í frískan vind av úts.v 7-9 m/s, turt fyri tað mesta og sólin sæst. Hitin 8-11 stig
Tórsdagur 9. Úts vestan 8-11 minkandi niður í 3 m/s, turt og sól fyri tað mesta og hitin 11-8 stig
Fríggjadagur 10. Útn, 3-8 m/s, ælaveður fyrrapartin, men annars turt og sól seinnapartin. Hitin 8-10 stig
Leygardagur 11. Vestan snarandi í úts 6-9 m/s, okkurt æl, men annars kemur sólin fram og hitin 8-11 stig
Sunnudagur 12. Úts 10-8 m/s, turt, skýggja og hitin 9-11 stig
Samanumtikið:Fyri tað mesta millum andøvsgul og frískan vind millum útn og úts, skiftandi millum ælaveður og sól og hitin 7-12 stig
Veðurtekn: Tey, sum eru 60 ár og eldri, minnast, at fyrr høvdu vit vetrar, har kavi og kuldi lógu leingi við góðveðri av høgætt. Ísur lá tjúkkur á vøtnunum, so væl bar til at standa á skoytum uttan kunstigan skoytivøll. Sumrini vóru eisini so góð, at tað bar væl til at turka fisk úti á fiskaplássunum. Í dag hevði ikki ein stertur verðið turkaður. Jú, sanniliga er veðurlagið broytt.
Petur Hans sigur soleiðis um veðrið á Ovarugøtu kl. 7 í morgun: Vestan 7 m/s, skýggja, turt og hitin 8 stig
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur