Gamalt tangaskip út fyri Jemen kann gerast umhvørvisvanlukka
Eitt 44 ára gamalt tangaskip, sum verður nýtt sum flótandi goymsla, er í ferð við at tærast upp út fyri Jemen. Skipið er fullsett við 1,2 milliónum tunnum av olju, og er í veruleikanum ein flótandi bumba. Men houti-herliðini, sum hava ræðið í stórum parti av Jemen, forða rannsóknarliðum at kanna skipið, og krevja pening fyri lastina.
Fyrrverandi tangaskipið, Safer, sum síðan 1987 hevur verið nýtt sum flótandi goymsla, er nú so illa rustað og tært, at sjógvur lekur inn í skipið.
“Vanlukkan kann henda hvørja løtu,” sigur eitt umboð fyri Safer E&P Operation Co. í Jemen.
“Hjálpið Jemen burturúr einari vanlukku, sum liggur beint fyri framman, og sum fer at geva Jemen upp aftur fleiri byrður í mong ár framyvir, og sum fer at ríva lívsgrundarlagið undan túsundtals fólkum. Tí nógv lív í Reyðahavinum verður oytt av umhvørvisvanlukkuni við tangaskipinum,” sigur trygdarumboðið við miðlar á staðnum.
ST hevur fyrr ávarað um, at skipið kann skrædna ella fara í luftina, men frágreiðingar siga, at Houti-herliðini forða serfrøðingum at kanna skipið. Haraftrat krevja houti-herliðini pening fyri lastina, sum verður mett til 80 milliónir dollarar í virði.
Innanhýsis skjøl, sum AP-tíðindastovan hevur fingið hendur á, vísa, at sjógvur er likin inn í maskinrúmið, og at vandi er fyri gass-spreingingum í brennievnistangunum.
Skaðarnir eru so álvarsligir, at skipið ikki kann umvælast, skriva altjóða miðlar, millum annað AP-tíðindastovan.
Tað skriva Maritimedanmark, AP-tíðindastovan og Antares.fo.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur