Oljuídnaðurin tapti móti upprunafólkinum
Amerikansku upprunafólkini og ættbólkarnir, Standing Rock og Cheyenne River, vunnu stórsigur móti oljuídnaðinum í gjár. Nógv umrødda oljuleiðin, Dakota Access Pipeline, sum gongur úr Norður Dakota til Illinois, hevur nevniliga fingið bann, og skal fyribils steðga virkseminum í síðsta lagi 5. august í ár.
Avgerðin er tikin aftaná fleiri sakarmál, sum upprunafólkini hava ført móti amerikanska oljuídnaðinum, sum brúkar hesa oljuleiðina. Orsøkin er, at rørleiðingin hevur dálkað náttúruna har tey búgva. Rørleiðingin fer beint undir eitt stórt vatn, Lake Oahe, og vatngoymsluna tætt við friðaða øki við Standing Rock. Sostatt hevur oljan dálkað bæði drekkivatn og heilagt økið hjá upprunafólkunum har um leiðir.
Í avgerðini frá rættinum stendur, at verkfrøðingarnir í amerikansku herdeildini ikki yvirhildu lógina um friðaða náttúru, tá teir loyvdu Dakota Access-rørleingini - uttan at hava kannað, hvørjar avleiðingar hetta kundi fáa fyri náttúruna. Verkætlanin verður steðgað fyribils, inntil ein slík kanning er gjørd.
Hetta er samstundis eisini ein ósigur hjá fyrisitingini hjá Trump og øllum oljuídnaðinum, sum hevur roynt at fingið oljuleiðingina at halda fram.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur