Myndarøð: Tá Hvalbiartunnlin var skotin ígjøgnum
Fyrr í dag var hátíðarhald tá nýggi Hvalbiartunnilin var skotin ígjøgnum.
Arbeiðið at gera nýggja Hvalbiartunnilin hevur gingið so væl, at longu i dag 7. juli var seinasta skotið latið av. Hátíðarhaldið - sum bert var fyri innbodnum - var við tunnilsmunnan í Trongisvági.
Tvøroyrar Hornorkestur spældi til hátíðarhaldið.
Sigurd L. Lamhauge, stjóri á Landsverk og Jørgen Niclasen, landsstýrismaður í fíggjarmálum hildu røðu. .
Tá røðurnar vóru lidnar trystu teir tríggir Fríðolv Eysturberg, Kári Norðberg og Jóan Pauli Næs á knøttin til seinasta skotið.
Fríðolv Eysturberg, Kári Norðberg og Jóan Pauli Næs vóru allir við til at byggja gamla Hvalbiartunnilin, sum varð tikin í nýtslu í 1963.
Aftána fóru teir innbodnu gestirnir til kaffi og køku í Trongisvági.
Myndirnar eigur Rúni Thomsen, Hvalba.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur